اسلام آباد۔25جنوری (اے پی پی) د آزاد كشمير صدر بيرسټر سلطان محمود چوهدري وئيلي دي په ګرده نړۍ كښې مېشته كشميريان به د جنورۍ 26 مه نېټه د هند د جمهوريت ورځ د تورې ورځې په توګه لمانځي٬ په ګرده نړۍ كښې مېشته كشميريان دې په لندن ٬ نيويارك ٬ پېرس ٬ برسلز ٬ دي هېګ ٬ اوسلو ٬ برلن ٬ ډبلن ٬ جنېوا او د نړۍ په نورو هېوادونو كښې احتجاجي لاريونونه ويستلو سره د ګردې نړۍ پام په جموں وكشمير كښې د بشري حقونو خلاف ورزيو ته وګرځوي او مودي سركار ته دې باور وركړي چې هند د كشميري اولس د آزادۍ ترلاسه كولو جذبه د طاقت په زور كمزورې كولې نه شي٬ كشميرے اولس به د كشمير تر آزادۍ خپلې ستړې او هلې ځلې روانې ساتي۔ د صدارتی سېکرټرېټ ایوان صدر کشمیر ھاؤس اسلام آباد څخه د زيارت په ورځ د جاري بيان له مخې د دې خيالاتو څرګندونه ده د هند د جمهوريت ورځ د تورې ورځې په توګه لمانځلو په موقع خپل پېغام كښې وكړه۔ ده ووئيل په ننۍ ورځ به آزاد كشمير ٬ پاكستان او په ګرده نړۍ كښې مېشته كشميريان په نړۍ دا خبره ښكاره كړي چې هند دې د كشميري اولس د خپلواكۍ بنيادي حق په لار كښې خنډ نه جوړېږي بلكې د سنجيدګۍ څرګندونه دې وكړي۔ د هند په جموں وكشمير غېر قانوني قبضه او د 5 اګست كال 2019 اقدامات د قبلولو وړ نه دي۔ ده ووئيل مونږ ملګرو ملتونو ٬ نړيوالې ورورولۍ او نړيوالې سول سوسائټۍ څخه غوښتنه كوؤ چې هغه د هند لخوا په جموں وكشمير كښې د روانو غېر قانوني اقداماتو سمدستي نوټس واخلي او د ملګرو ملتونو د سلامتي كونسل د قراردادونو له مخې د كشمير مسئلې حل ولټوي او د هند ظلم او زياتے او د كشميري اولس د نسل كشۍ بندولو كښې خپل كردار ترسره كړي
