پېښور 11 جنوری (اے پی پی)نګران وزيراعظم انوار الحق كاكړ وئېلي دي ټول قام د خېبرپښتونخوا پوليس مقروض دے څوك چې په مړانه او حوصله د ترهه ګرو په ضد جنګېږي۔د زيارت په ورځ په پېښور كښې د پوليس په دربار كښې د خېبرپښتونخوا پوليس اهلكارو ته د وينا كولو په مهال وزيراعظم انوار الحق كاكړ ووئيل تاسو هغه خلق يې كوم چې د رياست سلامتيا لپاره جنګېږې ٬شهيدان يقينا ً د جنت مستحق دي۔ده ووئيل امنيتي ځواكونه د لوي څښتن د دې لوظ چې په نيغه لاره روان دې د دښمن څخه كومه يره نه لري مطابق د ترهه ګرو سره عمر له په مړانه جنګېږي۔ نګران وزيراعظم ووئيل تاسو چې كوم جنګ كوې هغه په اخلاقي توګه سم دے ځكه تاسو خپل فرض په يقين٬حوصله او باور سره ترسره كوې ۔ وزيراعظم شهيد صفوت غيور او شهيد ملك سعد ته د عقيدت پیرزوئنې وړاندې كولو سره هغوي د خېبرپښتونخوا پوليس اثاثه وګرځول۔د اے پي اېس په پېښه كښې د ترهه ګرو د بربريت ذكر كولو سره وزيراعظم ووئيل بے ګناه ماشومان په نخښه كولو د ترهه ګرو ظلم به چرې هم هېر نه كړے شي۔ده ووئيل مرګ يو حقيقت دے كوم چې هر وخت راتللے شي ځكه د يرېدلو حاجت نشته۔د ترهه ګرو د هر بريد ځواب به په زيات طاقت او بشپړ انداز وركولې شي۔د شرخوښو د سختې غندنې كولو سره وزيراعظم په دې خبره زور راوړو چې د ژوند تر آخري وخت به د هغوي په ضد غږ پورته كوو٬هغه يرندك دي٬ هغوي په وړاندې راتللو د جنګ همت نه لري او عمر له د وروستو څخه بريد كوي۔ده ووئيل ترهه ګر د هېواد پرمختګ او خوشحالۍ په لار كښې خنډان راپیدا كوي٬هغه د همدردۍ مستحق نه دي٬هغه بزدل ٬ ظالمان او بې حسه دي۔وزيراعظم انوار الحق كاكړ ووئيل چې كوم ترهه ګر وژلې شوي د هغوي نامې چاته هم معلومې نه دي خو د شهيدانو نامې تر مودو ياد ساتلې شي۔ده ووئيل ترهه ګرو په خپله خوښه د رياست سره د جنګ پیل كولو انتخاب كړے خو انجام به د هغوي د خوښې له مخې نه وي٬ده ووئيل رياست به په دې جنګ كښې بريالے كېږي٬په دې كښې څه وخت لګېدے شي خو په دې كښې بريا زمونږ مقدر دے ځكه چې مونږ په سمه لار روان يو٬لوئې څښتن هم د هغوي مرسته كوي څوك چې په سمه لار روان وي۔ده ووئيل مونږ له به په پوهه او په ښه تګلاره جنګ كول وي۔ده د ترهه ګرو په ضد جنګ منطقي انجام ته رسولو له د عزم څرګندونه هم وكړه۔دغسې په دې مهال وزيراعظم د خېبرپښتونخوا پوليس غوښتنې د تر سره كولو اعلان وكړو ٬ دې څخه وړاندې د هر كلي په كلمات كښې د خېبرپښتونخوا پوليس انسپكټر جنرل اختر حيات ګنډا پور ووئيل خېبرپښتونخوا او بلوچستان د څو لسيزو راهسې د ترهه ګرۍ په ضد جنګ له امله ځپلے شوي ۔ده ووئيل د خېبرپښتونخوا پوليس په صوبه كښې د ترهه ګرو سره په مړانه جنګ كوي او د ترهه ګرۍ لعنت او نورو جرمونو ختمولو له لوظي دي ۔ده د وفاقي او صوبائي حكومتونو څخه پوليس لپاره د جديد وسلې او آسانيو وركولو لپاره د مالي مرسته غوښتنه هم وكړه۔
