لندن 04 فروري (اے پي پي) خارجه وزير شاہ محمود قرېشي وئيلي دي د نړيوال كشمير كنفرنس د لارې به د نړۍ ضمير راويخولو له هڅه كوٶ دغسې چې په بې ګناه كشميريانو د ظلم او جبر لړۍ بنده كړې شي۔ د ګل په ورځ كشمير انټرنېشنل كنفرنس لندن په اړه ميډيا سره پخپلو خاص خبرو كښې وفاقي وزير ووئيل د كشمير ورځ به سږ كال ګرد پاكستان كښې كشميريانو سره يوالي لپاره لمانځلې شي٬ دا ځل مونږ په لندن كښې نړيوال كشمير كنفرنس كوٶ۔ ده ووئيل د سېنېټ خارجه چارو لپاره پارلماني كمېټۍ سره په ګډه مونږ لندن كښې د مظلومو كشميريانو مقدمې لپاره روان يو٬ په دې خوشحاله يو چې د برتانيې په پارلمان كښې هم د كشمير صورتحال په اړه خاص تشويش لرلې شي ۔ خارجه وزير ووئيل د ټول ګونديز پارلماني ډلې په 30م اكتوبر جاري شوي راپور كښې په كشمير كښې د بشري حقونو په اړه چشم کشا انکشافات كړي ، د ملګرو ملتونو د بشري حقونو كمېسون اوسنو راپورونو په كشميريانو د هندي ظلم نه پرده لرې كړې ده۔ ده ووئيل د کشمیر په مسئله او د پاكستان په ترجيحاتو ټول سياسي ګوندونه يو دريځ لري٬ مونږ حريت مشرانو سره هم په رابطه كښې يو ٬ ده ووئېل د نړيوال كشمير كنفرنس د لارې به د نړۍ ضمير راويخولو له هڅه كوٶ دغسې چې په بې ګناه كشميريانو د ظلم او جبر لړۍ بنده كړې شي
