اسلام آباد 31 دسمبر (اے پي پي) وزیراعظم عمران خان د فاټا انضمام شوو سيمو تعمير ٬ پرمختګ او دا سيمې د هېواد د نورو برخو سره سمولو لپاره د سپارښتنې كولو سره وئېلې دي د انضمام شوو سيمو 5 لكه كورنيو له دې د هېلت كارډ وركول د جنورۍ تر پائې پېل كړې شي٬ د بلدياتي حكومت نظام زر تر زره نفاذ لپاره دې هم ګامونه پورته كړې شي۔ وزيراعظم دا خبرې د ګل په ورځ د فاټا انضمام شوو سيمو تعمير ٬ پرمختګ په اړه د لوړې كچې غونډې مشرۍ په مهال كړې۔ په غونډه كښې د خزانې وزير اسد عمر٬ د خېبر پښتونخوا ګورنر شاہ فرمان، وزیراعلی محمود خان، د وزیراعظم سلاحكار شهزاد ارباب، خاص مرستيال افتخار دراني، د خزانې صوبائي وزير تېمور سلیم خان او نورو لوړ پوړو ګډون كولو۔ په غونډه كښې په انضمام شوو سيمو كښې د انتظامي چارو٬ صحت ٬ تعليم لا اېنډ آرډر او د پرمختيائي منصوبو پحقله تر اوسه د شوي پېشرفت او په راتلونكو دريو مياشتو كښې د لائحه عمل جاج واخستې شو۔ په دې موقع وزیراعظم ووئيل د انضمام شوو سيمو تعمير او پرمختګ او دا سيمې د هېواد د نورو برخو سره سمولو ته پام لرنه كوو ٬ د انضمام شوو سيمو 5 لكه كورنيو له دې د هېلت كارډ وركول د جنورۍ تر پائې پېل كړې شي۔ وزيراعظم امر وكړٶ چې وزیراعلی، صوبائي وزيران او اړوند سېكتران دې په باقاعدګۍ سره د انضمام شوو سيمو او د بېلا بېلو څانګو دوره كوي او د تعليم ٬صحت او پرمختيائي كارونو دې پخپله جاج اخلي۔ غونډ كښې دا هم پرېكړه وشوه چې صوبائي كابينه به هره مياشت د پرمختيائي كارونو او د اصلاحاتو د پېشرفت جاج اخلي۔ وزیراعظم په انضمام شوو سيمو كښې د بلدياتي حكومت زر تر زره نفاذ لپاره د هلو ځلو ګړندۍ كولو امر هم وكړو۔ وزيراعظم ووئېل په انضمام شوو سيمو كښې دې په تعلیم، صحت او د پوليس په څانګو كښې په خالي چوكو د بهرتۍ عمل په سمدستي توګه پېل كړې شي
