احتساب لپاره د وزيراعظم خاص مرستيال مرزا شهزاد اكبر خبريالانو سره خبرې
اسلام آباد/لندن۔ 27 اکتوبر (اے پی پی) احتساب لپاره د وزيراعظم خاص مرستيال مرزا شهزاد اكبر خپله د برطانيې دوره او په دغه مهال برطانوي چارواكو سره ملاقاتونه زيات كامياب ګرځولو سره وئيلي دي دې دورې سره به هېواد كښې د كرپشن ختمولو او د ناجائزو ذريعو د لارې د جوړې كړې شويو اثاثو بېرته راوړلو او د مني لانډرنګ ختمولو كښې مرسته ترلاسه شي۔ ددې خيالاتو څرګندونه ده برطانوي هائي كمېشن لندن كښې د پاكستاني ابلاغ ذريعو سره د تړون لرونكو خبريالانو يوې ډلې سره خبرو كښې وكړه۔ ده ووئيل د برطانيې داخله وزير ساجد جاوېد سره په دوه اړخيزه قانوني مرسته ٬ هېواد څخه د ويستلې شويو مسئلو٬ د بنديوانو بدلولو او د مني لانډرنګ ختمولو له ددوه اړخيزه مرستې په زياتولو خبره وشوه۔ شهزاد اکبر ووئيل برطانوي چارواكو باور راكړې چې دواړه هېوادونه به بېلو څانګو كښې دوه اړخيزه مرستې ته وده وركولو سره په ګډه كار كوي۔ ده هيله ولرله چې د بنديوانو بدلولو لوظنامې ته به ډېر زر حتمي شكل وركړې شي او د برطانيې د کرائم ایجنسی ډائرېکټر ډولنډ ټون دسمبر كښې د پاكستان دوره كوي۔ د يوې پوښتنې په ځواب كښې ده ووئيل احتساب د كوم يو وګړي يا كورنۍ نه كېږي بلكې د كرپټ كسانو كېږي۔ ده ووئيل د پاكستان حكومت او د احتساب ادارې د كوم فرق نه غېر بدعنوانۍ ختمولو له كار كوي۔
