دوشنبے 02 جولائي (اے پي پي) وزيراعظم محمد شهباز شريف د پاکستان او تاجکستان ترمېنځه د دوستۍ دوه اړخيزه اړيكو لا مستحكمولو د عزم پخلي كولو سره وئيلي دي دواړه هېوادونه به د كركېلې ، روغتيا، تعليم، تجارت او د سرمايه كارۍ ودې لپاره په ګډه كار كوي، په منطقه كښې امن او سوكالۍ لپاره او د ترهګرۍ خاتمې له تاجکستان سره په ګډه كار كولو له خوښي لرو ۔ د دې خيالاتو څرګندونه هغوي د نهې په ورځ د تاجکستان صدر امام علي رحمان سره د ګډې پرېس كنفرنس ته خپلې وېنا كښې وكړه ۔ وزيراعظم محمد شهباز شريف ووئيل تاجکستان كښې زمونږ تود هركلے وشو ٬ داسې معلومېده چې مونږ د خپل يو كور نه بل كور ته راغلې يو، مونږ د تفاهم په يو شمېر يادښتونو لاسليكونه وكړل ، د تفاهم په يادښتونو لاسليك به د دواړو هېوادونو ترمېنځه د دوه اړخيزه اړيكو قوي كولو سبب وګرځي٬ په دې لوظنامو د لاسليك په كولو د دوي مننه كوم٬ دې سره به د ورورلۍ اړيكي مستحكمې او مرسته زياته شي٬ ده ووئېل زه ستاسو سره په ګډه كار كولو له خوښي لرم٬ د دوستۍ او ورورولۍ اړيكې نه يوازې مستحكمولو بلكې د كركېلې، روغتيا، سرمايه کارۍ، تجارت كښې د زياتوالي پشمول په بېلا بېلو څانګو كښې مرسته لا زياتول غواړو۔ ده ووئيل ټرانسپورټ او سامان د کراچي بندرځائ څخه د افغانستان د لارې تر تاجکستان وړلے راوړلے كېږي، غواړو چې د تاجکستان او پاکستان ترمېنځه روډ او رېل نېټ ورك لا قوي شي۔ د تاجکستان صدر او پلاويو سره د ملاقاتونو په مهال د دواړو هېوادونو ترمېنځه مرستې لپاره په زړه پورې او د نتيجې وړ خبرې شوي، د دواړو هېوادونو ترمېنځه د تجارت او سرمايه کارۍ پراخه موقعې موجود دي، تجارتي حجم كښې اضافې لپاره په كلن بنيادونو هدفونه ټاكل پكار دي ۔ ده ووئيل مونږ له ګڼ اړه خيزه تجارتي راهدارۍ لټول پكار دي، چين، تاجکستان او د افغانستان ترمېنځه د تجارتي لارې د برخې جوړېدو خوښي لرو۔ وزيراعظم ووئيل تاجکستان او پاکستان ترهګرۍ څخه ځپلې هېوادونه دي٬ پاكستان يو شمېر كاله دې لعنت سره مخ او د انساني ژوند او د معاشي زيانونو په صورت لوئي زيان پورته كړے٬ د ترهګرۍ خاتمې لپاره پاكستان د اربونو روپو معاشي زيان برداشت كړے او د سلګونو په شمېر قربانۍ ئې وركړي٬ ده ووئېل د پاكستان ټول قام ترهګرۍ څخه ځپلے شوے٬ پاك پوځ د ترهګرۍ په مړانه مقابله كړې او د دې لعنت خاتمې لپاره ئې ځانګرې قربانۍ وركړي۔ ده ووئيل په كال 18-2017 كښې مونږ د ترهګرۍ په خاتمه كښې بريالي شوي وٶ خو د بده مرغه دا ناسور اوس بيا سر پورته كولو سره رامخې ته شوے٬ د اجتماعي هلو ځلو د لارې مونږ هېواد څخه د ترهګرۍ د خاتمې عزم لرو٬ ده ووئېل مونږ غواړو چې پاکستان او تاجکستان د ترهګرۍ خاتمې لپاره په ګډه كار وكړي، مونږ په منطقه كښې امن غواړو٬ امن څخه به په منطقه كښې خوشحالي راشي۔ وزيراعظم ووئيل په غزه كښې په فلسطينيانو ظلمونه كېږي ٬ هلته 40 زره فلسطينيان شهيدان شوي٬ پاكستان د دې غندنه كوي ٬ د هند په تسلط لاندې جمو و کشمير كښې چې څه كېږي د ھغې هم غندنه كوٶ٬ په سوئيلي اسياء كښې تل پاتي امن لپاره د ملګرو ملتونو د سلامتي كونسل د قراردادونو له مخې دې د كشمير مسئله حل كړې شي٬ کشميريانو ته په نړيواله كچه منلے شوے حق٬ د خپلواكۍ حق ترلاسه كېدل پكار دي۔ ده ووئيل هيله لرو چې د کاسا 1000 منصوبه به راتلونكې كال كښې بشپړه شي چې ورسره به په منطقه كښې خوشحالي راشي٬ د پاکستان او تاجکستان سرکاري پاسپورټونه د ويزه څخه مستثنيٰ ګرځولو لپاره په سمجھوته لاسليك شوے ٬ دغسې په دې موقع د پاکستان او تاجکستان ترمېنځه په بېلا بېلو څانګو كښې په لوظنامو او د تفاهم په يادښتونو لاسليكونه وشول۔
