اسلام آباد 24 جولائي (اے پي پي) د كشمير چارو وفاقي وزير علي امين ګنډا پور وئيلي دي چې مسلم ليګ (ن) په كشمير كښې د هند بيانيه كاروي٬ زمونږ ترجيح سوله ايزې اوسپېځلې ټاكنې كول دي٬ د اړي ګړې خپرولو خبرې كوٶنكي رد شوي كسان اېجندا نه لري٬ پي ټي آئي به د مقبوليت په بنياد ټاكنو كښې بريالے كېږي٬ عمران خان د كشمير سفير په حېث په هر فورم د كشمير مقدمه وړاندې كړې٬ د مودي او آر اېس اېس سوچ ئې بې نقابه كړې٬ په آزاد کشمير كښې به د غربت خاتمې او سوكالۍ لپاره اقدامات كوٶ ۔ ده دا خبرې هغه د خالي په ورځ په پي آئي ډي كښې د مواصلاتو وزير مراد سعيد سره په ګډه خبري كنفرنس ته خپلې وېنا كښې وكړې۔ علي امين ګنډا پور ووئيل د كشمير چارو وزير په حېث چې په ما كوم بنديزونه لګولې شوې دي ھغه هېڅ جواز نه لري، په جلسو كښې چې چا د كشميريانو د دښمن هند بيانيه وراندې كړې او انتظاميې او مخالفينو ته ئې دړكې وركړې او تورونه ئې لګولي په ھغې د چا په ضد كاروائي نه ده شوې او زما په داخله د بنديز لګولو امر شوې دې۔ ده ووئيل د مخالفينو كمپائن په عمران خان تنقيد سره پېل كېږي او هم په عمران خان ختمېږي، درې ځله وار په وار اقتدار كښې راتلونكو د مودي او د هندوتوا ذکر قدرې نه دې كړې، ده د وزيراعظم عمران خان د ملګرو ملتونو عمومي اسمبلۍ ته په وېنا كښې د كشمير پحقله د سپينو خبرو ٬ د موقف اختيارولو او د نړۍ ضمير راويخولو وېډيو او د مودي رائيونډ ته راتګ او د شريف كورنۍ د دوستۍ وېډيو هم په ميديا وړاندې كړه۔ په دې موقع دوي د سفيرانو د مركو ويډيوز هم وښودلې كومو كښې چې سفيرانو وئيلي دي چې نواز شريف هغوي د هند په ضد د خبرو نه منع كړې وو او كشمير او پاكستان ته د دوي د پاليسۍ نه هېڅ ګټه نه ده رسېدلې خو د دوي ذاتي كاروباري اړيكې ضرور زياتې شوې۔ وفاقي وزير ووئيل ذاتي كاروبار او مفاداتو ته د كشمير په مسئله مسلم ليګ نون فوقيت وركړې۔ علي امين ګنډا پور ووئيل ما وړاندې وئيلي ٶ چې دا خلق به الېكشن متنازعه جوړوي او د كشمير مسئله به زيانمنه كوي٬ علي امين ګنډا پور ووئيل زما كشمير ته په داخله بندېز لپاره د مقدمو جوړولو هڅې شوې كومې چې د غندنې وړ دي۔ ده ووئيل په كشمير كښې به سېلګرۍ ته وده وركولې شي٬ مونږ پخپل درې كاله حكومت كښې د دوي نيمګړې منصوبې ترسره كړې، اوس په كشمير كښې پرمختيائي منصوبو ته پاملرنه كوٶ، په ماضي كښې به د کشمير په پرمختيائي منصوبو كښې كمېشن اخستې كېدو۔ ده ووئيل آزاد کشمير لپاره به د سل اربه روپو پرمختيائي پېكج وړاندې كوٶ، آزاد کشمير ته به سل فيصده انصاف كارډ وركولې شي۔ علي امين ګنډا پور ووئيل ٬ (نن) چې كومې نتيجې راځي ھغه به قبولوو۔ د يوې پوښتنې په ځواب ده ووئيل نواز شريف ما نه بلكې د پاكستان عدالتونو غل ډكليئر كړې او مريم نواز او بلاول بهټو چې كومه ژبه كاروي د ھغې نوټس نه اخستې كېږي، مونږ د ادارو احترام كوٶ۔
