ڪوئيٽا – 07 – ڊسمبر (اي پي پي) اطلاعات، نشريات ۽ پارلياماني معاملن وارو نگران وفاقي وزير مرتضيٰ سولنگي ٽن ڏينهن جي دوري تي ڪوئيٽا پهچي ويو. ڪوئيٽا ايئرپورٽ اچڻ تي اطلاعات واري نگران صوبائي وزير جان اچڪزئي ۽ ڊائريڪٽر پريس انفارميشن ڊپارٽمينٽ عبدالمنان، اطلاعات ۽ پارلياماني معاملن واري نگران وفاقي وزير جو استقبال ڪيو. پنهنجي دوري دوران اطلاعات ۽ پارلياماني معاملن وارو نگران وفاقي وزير پاڪستان ٽيليويزن ڪوئيٽا سينٽر، ريديو پاڪستان ڪوئيٽا اسٽيشن، ايسوسيئيٽيڊ پريس آف پاڪستان (اي پي پي) ڪوئيٽا بيورو جي اپ گريڊيشن جي حوالي سان قدمن جو تفصيلي جائزو وٺندو. ان موقعي تي اطلاعات ۽ پارلياماني معاملن واري نگران وفاقي وزير کي بريفنگ پڻ ڏني ويندي.
