اسلام آباد 03 جولائي (اے پي پي) د مذهبي چارو وفاقي وزير چوهدري سالك حسېن وئيلي دي د محرم الحرام په مهال امن او امان په ځاے ساتلو لپاره د علماے كرام كردار ډېر مهم دے۔ د شورو په ورځ د مذهبي چارو وزير د محرم الحرام په مهال د بين المسالك همعږۍ او امن او امان په اړه د غونډې مشري كړې٫ په غونډه كښې په ځائي كچه د پېنډۍ او اسلام آباد علما و مشائخو او عظام ګډون كولو۔ غونډې ته خپلې وېنا كښې چوهدري سالك حسېن ووئيل د تېرو كلونو غوندې د محرم الحرام په مهال هېواد كښې د محرم الحرام په مهال امن په ځاے ساتلو لپاره د علماٶ كردار ډېر مهم دے۔ ده ووئيل دوي سره مشاورت سره په هېواد كښې يووالي٬ اتحاد، ورورولۍ او د امن فضاء برقرار ساتلو او مسلکي رواداري باوري كولو لپاره د مشتركه تګلارې جوړولو پرېكړه وشوه۔ ده مسلکي روادارۍ لپاره علمائے كرامو سره په صوبائي او ضلعي كچه د غونډې كولو په ضرورت زور رواړو۔ ده ووئيل د مسلكونو ترمېنځه د همغږۍ فضاء په ځاے ساتلو لپاره قامي٬ ملي او د هېواد په حالاتو او چارو د هر مكتبه فكر علمائے كرامو اتحاد او اتفاق ته اړتيا ده۔
