اسلام آباد 06 ستمبر (اے پي پي) د تجارت وفاقي وزير جام کمال خان وئيلي دي نن د شهيدانو په سبب پاكستان ناقابل تسخير دے ۔ده دا خبره د جمعې په ورځ د دفاع ورځې په مناسبت سره پېنډۍ كښې د شهيد حوالدار محمد منير عباسي د كور دورې په مهال وكړه ٬ ده د شهيدې كورنۍ سره د يووالي څرګندونه كولو سره شهيد ته پېرزوئنې وړآندې كړې۔ وفاقي وزير ووئيل شهيدانو د خپلو ځانونو په قربانولو د هېواد دفاع ناقابل تسخير جوړه كړې۔ ده ووئيل قام حوالدار محمد منير عباسي شهيد او د نورو شهيدانو جرات ته سلام كوي۔ جام کمال خان په دې موقع د شهيد حوالدار محمد منير عباسي زوي لپاره د تعليم مطابق د سركاري نوكرۍ وركولو هدايات هم جاري كړل۔ ده ووئيل حكومت د شهيد زوي ته كور الاټ كړے او په كوم كور كښې چې اوسېدل هم په ھغه كور كښې د پاتې كېدو اجازه ئې وركړې دغسې چې ھغه خپل كور سره نزدې په آرمي پبلک سکول كښې تعليم جاري اوساتي۔ وفاقي وزير ووئيل د شهيد كور ته د راتګ زما يوازنے مقصد شهيد ته پېرزوئنې وړاندې كول او كورنۍ سره د يووالي څرګندونه كول وو۔ د يادونې وړ ده حوالدار منير عباسي په شپږم اګست كال 2015 كښې په دريابي سيمه كښې د چورلكې په پېښه كښې شهېد شوے ٶ او د شهيد يو زوې او درې لوڼه دي كوم چې خپلو ترېندو سره په يو سركاري كوارټر كښې اوسېږي۔
