اسلام آباد 30 اګست (اے پي پي) د سېنېټ چيئرمېن سيد يوسف رضا ګېلاني په ګرد هېواد كښې د سختو بارانونو او سېلاب له امله په شوي ځاني او مالي زيان د افسوس څرګندونه كړې۔ د جمعې په ورځ خپل بيان كښې ده ووئيل د غم په دې ګهړۍ كښې ځپلو كورينو سره برابر شريك يو۔ ده اړوندو ادارو ته د ريليف اقدامات ګړندي كولو امر سره ووئيل طبعي آفتونه يوه نړيواله مسئله ده٬ د اړوندو ادارو د شريكو هڅو د لارې د زياتو زيانونو نه بچ كېدې شو۔ په دې موقع دوهم چيئرمېن سيدال خان هم د هېواد په بېلا بېلو برخو كښې د بارانونو او سېلاب له امله په ځائي او مالي زيان د غم دړد څرګندونه وكړه۔
