اسلام آباد 28 جولائي (اے پي پي) د اطلاعات او خپرونو وفاقي وزير چوهدري فواد حسېن وئېلي دي د مستحكم افغانستان د لارې ټوله منطقه د مينځنۍ آسيا او اروپاﺀ سره تړل د وزيراعظم عمران خان وژن دے٬د معاشي بهترۍ لپاره منطقه كښې امن او د استحكام خوښي لرو٬مونږ د معاشي بهترۍ لپاره په منطقه كښې امن او استحكام غواړو٬پاكستان او افغانستان له به د خپلې ګټې لپاره پريكړه پخپله كول وي۔سپر پاورز د خپلې لوبې كولو نه پس په خپله مخه ځي۔د نتائيجو سره مخ كېدل مونږ ته راپغاړه كېږي۔د پاكستان او افغانستان خلك د يو بل سره په تاريخي خپلولۍ تړلې شوي۔زمونږ اړيكې د كمي زياتي باوجود مستحكمې دي٬د د دې خيالاتو څرګندونه ده د شورو په ورځ د پاك افغان يوت فورم د سيوري لاندې د پاك افغان مېډيا كانكليو د پرانستې غونډې ته خطاب كښې وكړه۔چوهدري فواد حسېن وئيل د پاكستان او افغانستان خلك په مذهبي٬كلتوري او جغرافيائي توګه د يوبل سره په تاريخي خپلوليو تړلې شوي۔د افغانستان خلك زمونږ خپل او د يو قبائل خلك دي٬دوي سره مونږ نزدې والې لرو٬زمونږ ژبه او كلتور يو ډول دي۔افغانستان سره زمونږ په اړيكو كښې تاؤ تريخوالے هم پاتې شوے او مينه محبت هم۔زمونږ اړيكې د كمي زياتې باوجود نن هم مستحكمې دي او هم دا زمونږ د تاريخ برخه ده۔وفاقي وزير ووئيل كه تاريخ وكتلے شي نو د پاكستان او افغانستان ترمينځه د تاؤ تريخوالي كيفيت د تاريخ جبر ؤ۔ده ووئيل روس او امريكې په كابل قبضه كړې وه او د هغې نتائيجو سره مونږ ته مخ كېدل راپغاړه شو٬ل القاعده په نيويارك كښې كاروائي كړې د كومې په نتيجه كښې چې د افغانستان وضعه خرابه شوه۔په افغانستان كښې چې د امريكې پالېسي ناكامه شوې نو د دغې نتائيجو سره افغانستان او پاكستان دواړه مخ دي۔وفاقي وزير ووئيل په 1988 كښې چې په افغانستان كښې بحران ختم شو نو يو اېس اېس آر او امريكا د هغه ځاې نه لاړل خو ټول پيټے د پاكستان او افغانستان خلكو ته پورته كول ورپغاړه شو۔چوهدري فواد حسېن ووئيل مونږ د افغانستان خلكو سره اوږه په اوږه مخ په وړاندې لاړو٬پاكستان د لاكهونو افغان كډوالو كوربتوب كړے۔ده ووئيل د پاكستان په پوهنتونونو كښې نزدې 6 زره افغان زده كوونكي زده كړې كوي۔نن دغه ماشومان پخپله وائي چې پاكستان دوي له موقعې وركړي او دا وخت د 30 لكه نه زيات افغان كډوال په پاكستان كښې موجود دي۔پخوا مونږ د 50 لكه نه د زياتو افغانانو كوربتوب كړے۔كومه چې د افغانستان د ودانۍ يوه لويه برخه ده۔چوهدري فواد حسېن ووئيل د پاكستان فرض ؤ چې په جنګ كښې د افغان اولس مرسته وكړي او مونږ داسې كړي۔د اطلاعات وزير ووئيل كه د افغانستان حالات خرابېږي نو دې سره به د كډوالو يو بل بحران راپېدا شي۔ده ووئيل د مېډيا د لارې د افغانستان او پاكستان خلك خپل نقطه نظر وړاندې كولې شي او د دې د لارې د امن راوستلو مقصد مخ په وړاندې بوتللې كېدې شي۔ده ووئيل مونږ په افغانستان كښې امن غواړو٬په دې حقله زمونږ نقطه نظر ډېر واضحه دے چې په افغانستان استحكام راشي او د دغې په نتيجه كښې مونږ د ګوادر نه تر ازبكستان د رېلوے پټلۍ وغزولې شو۔دې سره به مينځنۍ آسيا ته تر ګوادر او د كراچۍ بندرګاه او مونږ ته تر مينځنۍ آسيا بازارونو رسنه ترلاسه وي۔اروپائي ائتلاف او سي پېك به په خپلو كښې وتړلې شي٬د دې په نتيجه كښې به پاكستان د دې منطقې اقتصادي مركز جوړ شي۔ده ووئيل مونږ د هند سره ښه اړيكې غواړو او كه زمونږ اړيكې د هند سره ښې كېږي نو مونږ به د نړۍ د دوو لويو معيشتونو ترمينځه پاتې شو۔وفاقي وزير ووئيل افغانستان كښې د امن او استحكام څخه به د تجارت لپاره موقعې راپیدا كېږي ٬ دا يو ډېر لوئې وژن دے په كوم چې وزيراعظم عمران خان كار كوي۔ده ووئيل پاكستان كله هم نه غواړي چې په افغانستان كښې جنګ وي او د بې ګناه خلكو ځانونه ضائع شي۔ده ووئيل وزيراعظم عمران خان دريځ لري چې په هېواد كښې سياسي استحكام او امن وي نو د غربت خاتمه به هم ممكن شي٬په افغانستان كښې كومه ډله دا صلاحيت نه لري چې هغه په ټول هېواد حكمراني وكړي ځكه په افغانستان كښې په پراخا بنياد او جامع حكومت غواړو خو دې لپاره به د افغان شخړې ټولو ډلو له په ښه نيت سره كار كول وي ځكه چې په شرائطو مذاكرات مخ په وړاندې نه شي تلللے۔ده ووئيل د امريكې او افغان دولت سره د طالبانو په خبرو اترو كښې پاكستان خپل كردار ترسره كړے خو زمونږ كردار محدود دے٬د افغانستان ستونزې به افغان اولس له پخپله هوارول وي٬د اطلاعات وزير د فورم ګډون كوونكو ته ووئيل چې دوي په افغانستان كښې مستحكم حكومت جوړولو او د دواړو هېوادونو ترمينځه د اړيكو بهترۍ لپاره وړاندېزونه وركړي۔ده ووئيل د پاكستان پشمول د نړۍ په كومه برخه كښې هم 100 فيصده اتفاق نه راځي ٬مونږ اپوزېشن سره اختلاف لرو خو مونږ په آئين متفق يو٬ټولو سياسي مشرانو ته معلومه ده چې د آئين له مخې مخ په وړاندې تلل دي٬دا يو داسې ماډل دے چې پيروي يې افغانستان كولې شي خو اتفاق افغان اولس له كول دي۔چوهدري فواد حسېن ووئيل په افغانستان كښې استحكام د بې شمېره موقعو سبب جوړېدے شي او مونږ په دې حقله كار كوو٬اقتصادي استحكام د امن نه بغېر ممكن نه دے كله چې امن وي نو دې سره به په منطقه كښې د غربت خاتمې له هم مرسته تر لاسه شي۔وفاقي وزير ووئيل بايد په دوه ورځني مېډيا كانكليو كښې مونږ د ډرامې٬فلم او موسيقۍ په څانګو كښې په مرسته خبرې وكړو۔خوشحال خان خټك د پاكستان شاعر دے خو هغه د افغانستان قامي شاعر دے دغسې علامه اقبال د افغانستان په اولس كښې ډېر مقبوليت لري٬چوهدري فواد حسېن ووئيل د دواړو هېوادونو ترمينځه د هنر او كلتور په څانګو كښې مرستې لپاره د اطلاعات وزارت په بشپړه توګه چمتو دےمونږ افغانستان سره فلم٬ډرامه او په خاص توګه د پښتو فلمونو له شريك پروډكشن كښې مرسته كولې شو دغسې بايد د دواړو هېوادونو د ځوانانو شاعرانو د شاعرۍ ترجمې هم وكړې شي۔د دې نه پس وفاقي وزير په مېډيا كانكليو كښې شريك د افغان پلاوي غړو ته سوينئر او ډالۍ هم وركړې۔ دغسې د پاك افغان يوته فورم ډائرېكټر جنرل سلمان جاوېد په پاك افغان مېډيا كانكليو كښې د اطلاعات وفاقي وزير ته هركلے اووې
