اسلام آباد 01 نومبر (اے پي پي) د وزيراعظم اطلاعات او خپرونو لپاره خاص مرستيالې ډاکټر فردوس عاشق اعوان وئيلي دي د اسلام آباد هائي كورټ چيف جسټس په امر په ضلعي كچهري اسلام آباد كښې د بنيادي آسانيو جاج اخستې شوې دې٬ په عدالتونو كښې د بنيادي آسانيو كمې دې٬ په سختو حالاتو كښې د ججانو د وظيفې ترسره كول او د وكيلانو حوصله د ډاډ وړ ده، نړۍ كښې د كرپشن په ضد دهرنې او مارچ كېږي٬ خو دلته زمونږ سياسي فنكار د كرپشن تحفظ لپاره مارچ كوي٬ حکومت د جمهوريت دوست کردار لوبولې دې٬ د مارچ جمهوري حق له په اولسي ستونزو زياتولو لپاره كارولې كېدو څخه دې ډډه وكړئ شي٬ حكومت د لوظنامې له مخې د مارچ په لاره كښې خنډان نه دې ولاړ كړې٬ د خپلې خوښې ځائ وركړې شوې او د اوبو او برېښنا پشمول ټولې آسانۍ هم وركولې شوې دي۔ د جمعې په ورځ د ضلعي عدالتونو دورې نه پس ميديا سره په خبرو كښې ډاكټر فردوس عاشق اعوان ووئيل د چيف جسټس مننه كوٶ چا چې ما له د راتګ موقع راكړې ده٬ زما په ژوند كښې وړومبې موقع ده چې په يوه معامله عدالت ته راغلم٬ تر اوسه په ما يو اېف آئي آر نشته٬ زه په ھغه سياست مدارو كښې نه يم چې د تهاڼِې او كچهرۍ سياست كوي۔ دې ووئيل ما د اسلام آباد هائي كورټ چيف جسټس په امر د وكيلانو ډلې سره مې د ضلعي كچهري دوره كړې ٬ دلته چې كومې ستونزې او د سائلينو چېلنجونه دي٬ ھغه مې په خپلو سترګو وليدلې٬ په افسوس دا وائم چې د اسلام آباد په ضلعي عدالتونو كښې صورتحال ښه نه دې٬ ګرانو ججانو لپاره آسانۍ نشته٬ د سائلينو د ناستې ځائ نشته٬ داسې ماحول نشته چې وظيفه په ښه ډول ترسره كړې شي۔ دې ووئيل 30 كاله او پرله پسې لس كاله حكومتونه كوٶنكو هم مسئلې حل كړې نه دي۔ ده ووئيل په سختو حالاتو كښې د وظيفه ترسره كوٶنكو ججانو او وړاندې كېدونكو وكيلانو د حوصلې ستائنه كوٶ۔ دې ووئيل د دې صورتحال سمېدو لپاره به كردار ادا كوم٬ وكيلانو ورورولۍ ته باور وركوړ چې د وزيراعظم عمران خان وړومبۍ ترجيح انصاف دے٬ د انصاف دا هلې ځلې مخ په وړاندې بوتلل او دلېدونكي اولس لپاره هڅې كول د وزيراعظم عزم دے۔ دې ووئيل 60 كاله وړاندې د سي ډي اے پلان جوړ شوې٬ كوم چې چا بدل نه كړو٬ا وس مو د وزيراعظم عمران خان په مشرۍ كښې پلان جوړ كړې چې پكښې د ضلعي عدالتونو حالت ښه كول هم شامل دې۔ ډاکټر فردوس عاشق اعوان ووئيل د ججانو شمېره پورا كول د پارلمان شريكه ذمه واري ده٬ ټول سفارشات او صورتحال به وزيراعظم ته وړاندې كوٶ٬ په دې معامله كښې به هم وزيراعظم عمران خان د اميد څيره ثابت شي۔ دې ووئيل د سختو ستونزو سره سائل عدالتونو ته راځي٬ كله چې په عدالتونو كښې بنيادۍ آسانۍ نه وي نو سائل مايوسه شي٬ د انسانيت خدمت هم د سياست اصل محور او مركز دې٬ د عمران خان سماجي خدمات د ټولو په وړاندې دي٬ وړومبۍ ېې بې وسه كسانو لپاره روغتون جوړ كړو٬ وزيراعظم دا عزم لري چې حكومت په داسې قانون او چارو كام وكړي چې ګټه ئې لاندې طبقې ته نېغ په نېغه ورسي۔ دې مېرمنې په وراثت كښې برخه او د نورو قوانينو ذكر كولو سره ووئيل چې مخالفه ډله په قانون سازۍ كښې مرسته نه كوي چې په سوب ئې حكومت قانون سازي د آرډيننس د لارې كوي۔ دې ووئيل د وكيلانو پشمول ټولو طبقاتو ته اپيل كوٶ چې په مفاد عام كښې د سي ډي اے په پلان عملدرآمد كښې مرسته وكړي۔ د يوې پوښتنې په ځواب ډاكټر فردوس عاشق اعوان ووئيل د مولانا فضل الرحمن مارچ کرپشن له تحفظ وركول دي٬ كرپشن كوٶنكي ټول په كنټېنر راجمع دي٬ مونږ دوي ته د فائيو سټار آسانۍ وركړې دي٬ د جمهوريت غږ كوٶنكي نن جمهوري حكومت ډي رېل كولو لپاره راغلې دي٬ دوي له ښه كېدل پكار دي ځكه چې د پي ټي آئي په دهرنا كښې خنډان٬ ګرفتارۍ ٬ او مېرمنو سره د بدتميزۍ غوندې پېښې شوې٬ دې ووئيل دوي ته د برېښنا او اوبو پشمول ټولې آسانۍ وركړې شوې دي او يو خنډ هم نه دې راولاړ كړې شوې٬ د جمهوريت او د حکومت کردار مو پاللې دې دا ګورو چې د جمهوريت خوښو اېجنډا وړاندې څه ده۔ دې ووئيل ځېنې خلق وائي چې په يو نيم كال كښې حكومت اولس ستومانه كړې(نډھال)، د دوي په خېټه كښې دړد دا دې چې حكومت چې د اولس د خدمت په كومه اېجنډا روان دې د ھغې نه څنګه منع كړې شي٬ د نړيوال بانك د صدر ځواب هر څه دي۔ دې ووئيل پاكستان كښې د نادان مخالفې ډلې دا وړومبې آزادي مارچ دے كوم چې د كرپشن تحفظ لپاره دې٬ نړۍ كښې د كرپشن په ضد او دلته د كرپشن تحفظ لپاره مارچ كېږي۔ ډاكټر فردوس عاشق اعوان ووئيل دهرنا كوٶنكو له د خوښې ځائ وركړې شوې جمهوري حق تسليموٶ دا حق د نورو مشكلاتو لپاره ونه كارولې شي۔(ګ ل
