اسلام آباد۔24مئی (اے پی پی):وزیر خارجہ بلاول بھٹو زرداری عالمی اقتصادی فورم اچ عالمی معاشی رہنماواں دے رلے غیررسمی مکالمے اچ شریک تھیسن ۔ منگل کوں وزارت خارجہ توں جاری بیان موجب وزیر خارجہ بلاول بھٹو زرداری عالمی معاشی ماہرین دے رلے امن عامہ دی بحالی دے موضوع تے غیررسمی مکالمے اچ آپݨی ڳالھ کریسن ۔ وزیر خارجہ بلاول بھٹو زرداری نیدرلینڈ دی ملکہ میکسیما نال وی ملاقات کریسن ۔ وزیر مملکت حنا ربانی کھر وی انہاں دے رلے ہوسن ۔ وزیر خارجہ بلاول بھٹو زرداری فن لینڈ دے وزیر خارجہ پیکا اولاوا ہاویستو نال وزیر مملکت حنا ربانی کھر دے رلے ملاقات کریسن ۔ وزیر خارجہ بلاول بھٹو زرداری مشرقی وسطی کوں جغرافیائی سیاسی انتشار توں ٻہر کڈھݨ دے موضوع تے عالمی رہنماواں دے رلے غیررسمی مکالمے اچ شریک تھیسن ۔ وزیر مملکت امور خارجہ حنا ربانی کھر اسٹیک ہولڈر ڈائیلاگ دے سیشنز اچ آپݨی ڳالھ کریسن ۔
