اسلام آباد۔5 ستمبر(اے پی پی) وزیراعظم عمران خان وئيلي دي چې سوله ايز او مستحكم افغانستان د پاكستان اومنطقې په ګټه دے۔ د افغانستان بشپړه تصفيه د دې ځائې د خلكو د حقونو تحفظ باوري كولو تر ټولو غوره لاره ده۔ نړيواله ټولنه دې د افغان اولس مرسته او د بيا ودانۍ عمل كښې كردار ترسره كري۔ د اتوار په ورځ وزيراعظم عمران خان سره د ابوظهبي ولي عهد او د متحده عرب امارات د وسله وال ځواك دوهم سپيرم كمانډر محمد بن زېد ټېلي فوني خبرې وكړې۔ په دې مهال دواړو لارښودو د شريكې خوښی چارو سره سره په سيمه ايز پېشرفت او په خاص توګه افغانستان كښې په روانه وضعه د خيالاتو څرګندونه وكړه۔ د افغانستان روانه وضعه نظر كښې نيولو سره وزيراعظم په دې خبره زور راوړو چې سوله ايز او مستحكم افغانستان د پاكستان او سيمې په ګټه دے۔ د افغان اولس د حقونو تحفظ سره سره سلامتيا او حفاظت باوري كولو له د وړاندې تګ تر ټولو غوره لاره بشپړه سياسي تصفيه وه۔ وزيراعظم عمران خان په نړيواله ټولنه زور راوړو چې هغه دې د افغان اولس معاشي مرستې او د هېواد بيا ودانۍ له خپل كردار ترسره كړي۔ هغه ووئيل د بشري حاجتونو ترسره كولو او د افغانستان معاشي استحكام باوري كولو ته اړتيا ده۔ وزیراعظم اېکسپو 2020ء له په غوره انتظامات كولو ولي عهد ته مباركي وركړه۔ هغه د دې مېګا ايونټ كاميابۍ له د نېكو هيلو څرګندونه هم وكړه۔ وزیراعظم او ولی عهد د شريكې خوښې په ټولو څانګو كښې مرسته زياتولو له په ګډه كار كولو ته سلا شول۔
