اسلام آباد 23 اګست (اے پي پي) د كورنيو چارو وزير شیخ رشید احمد وئيلي دي سي پيك زمونږ د معاشي پرمختګ لپاره د ملا د تير حثيت لري،د چين وګړو له به هر ډول امنيت وركولے شي، افغانستان كښې د امن او استحکام لپاره به د نړۍ سره په ګډه كار كولې شي، افغان چارواكو باور راكړے چې د افغانستان خاوره به د كوم هم هېواد په ضد استعمال نه كړے شي، افغانستان څخه راتلونكو لپاره د كورنيو چارو وزارت كښې سهولت مرکز جوړ كړے شوے۔ د ګل په ورځ خبري كنفرنس ته خپله وينا كښې د كورنيو چارو وزير ووئيل مونږ په افغانستان كښې امن، استحکام او سلامتيا لپاره لاس په دعا يو ٬ پاکستان نړۍ سره په ګډه افغانستان كښې امن غواړي۔ده ووئيل د افغانستان د پولې صورتحال ته د كورنيو چارو وزارت ګوري۔ده ووئيل مونږ د جديد 8 ډرون اخستو پريكړه كرې ، د 192 کیمرو او 1122 پورا سسټم به د پنجاب په طرز په اسلام آباد كښې د رواني مياشت په مهال پيل شي،د هېواد بدنصیبی ده چې د 74 كلونو راهسې د کرائسز مینجمنټ كوم سسټم نه دے جوړ كړے شوے، دلته د سیلاب له امله دوه كسان مړه شوي۔د كورنيو چارو وزير ووئيل سي پيك زمونږ د معاشی پرمختګ لپاره د ملا د تير حیثیت لري، ځيني كسان نه غواړي چې سي پيك مخ په وړاندې لاړ شي، د چین وګړو له به هر ډول امنيت وركولے شي، پاك چين ملګرتيا يوه مثالي ملګرتيا ده۔ده ووئېل وزیراعظم عمران خان لوظي دے چې سي پيك مخ په وړاندې لاړ شي۔ ده ووئيل د سي پيك په ضد سازشونه كيږي، د افغانستان موجودہ صورتحال په وجه سی پیك مهم شوے۔ ده ووئيل چين زمونږ نزدې ملګرے دے، د تيره يوې مياشتي راهسې داسو، کراچۍ سټاك ایکس چینج، کوئټه سرینا هوټل غوندې پېښو په صورت د سازشونو ناکامي زمونږ د ملګرتيا ثبوت دے۔ده ووئيل په پاكستان كښې ټولي اداري كار كوي او د چين وګړو له به بشپړ امنيت وركولے شي ۔ ده ووئيل پاكستان د نړۍ سره ولاړ دے، د نړۍ موجودہ صورتحال په وجه مونږ په افغانستان كښې امن غواړو، كه مونږ له افغانستان لپاره نورو ويزو جاري كولو ته حاجت پېښ شو نو جاري كولې به شي، مونږ د افغانستان کرکټ ډلي ته هم ويزې جاري كړي، پاکستان د نړۍ سره په ګډه افغانستان كښې امن ليدل غواړي۔ده ووئيل د کابل د بيلو سيمو څخه وګړي هوائي ميدان ته رسول زمونږ ذمه واري نه ده، زمونږ ذمه واري تر طورخم پولي ده۔د يوي پوښتني په ځواب ده ووئيل د كډوالو په اړه تر اوسه پريكړه نه ده شوې ،په دې اړه به پريكړه حكومت كوي څوك چې تر پولي راغلل هغوي له به آسانۍ وركولې شي۔ده ووئيل 1200 څخه زيات غیر ملکیان او افغان وګړي دلته راغلي او 800 څخه زيات د طور خم په پوله راغلي،په دې اړه د حکومت په سپارښتنه د كورنيو چارو وزارت سهولت مرکز جوړ كړے ،په دې كښې به د آئي ټي او نورو وزارتونه شامل وي۔د يوې پوښتني په ځواب ده ووئيل د چا چې د ويزې موده ختمه شوې ، وزارت هغوي له تر 30 اګست غير د جرمانې وخت وركړے ځكه چې زياتو كسانو سره د جرمانې روپۍ نه وي ۔د يوې بلي پوښتني په ځواب ده ووئيل مولوي فقیر محمد خوشے كرے شوے ، په دې اړه هلته اړوندو قوتونو ته وئيلي شوي او د افغانستان چارواكو باور راكړے چې د افغانستان خاوره به په هيڅ صورت د كوم بل هېواد په ضد نه شي كاريدے۔د كورنيو چارو وزير ووئيل زمونږ څخه مریم نواز اجازه نه ده غوښتي،كه هغي اجازه اوغوښته نو دغه معامله به کابینې ته ليږلې شي، د شهباز شریف د درخواست وخت تير شوے
