اسلام آباد 30 جون (اے پي پي) خارجه دفتر د پاكستان او افغانستان ترمېنځه د كركټ د نړيوال كپ د مېچ په موقع پاكستان په ضد د بېنرو هسكولو او د شائقينو د يوې ډلې لخوا د پاكستانو لوبغاړو په ضد د غېر شائسته طرز عمل سخته غندنه كړې۔ خارجه دفتر د اتوار په ورځ په خپل يو بيان كښې دا معامله ډېره د افسوس وړ ګرځولې۔ په بيان كښې وئيلي شوي دي چې دا ناوړه پروپېګنډې لپاره د لوبو مېدانونهه كارول د قبلولو وړ نه دي۔ مونږ د لوبو او د قانون نافذ كوونكو اړوند ادارو نه طمع لرو چې د دې معاملې دقيقې پلټنې وكړي او د ذمه وارو په ضد كارروائي وكړې شي۔ خارجه دفتر وئيلي دي چې دا معامله به په سفارتي كچه هم پورته كولې شي۔ نړيوالې مېډيا د ځينې شائقينو لخوا د پاكستان په پلوي تماشبينو د بريد او تشدد اطلاعات خپاره كړي دي او د دې مهم مېچ په كورېج كوونكې د مېډيا په ډله تشدد شوے دے۔
