اسلام آباد 05 جنوري (اے پي پي) د پاكستان چين شريك ايوان صنعت او تجارت صدر شاه فېصل آفريدي وئيلي دي چې چين د پاكستان تر ټولو لوي تجارتي شراكتدار دے٬ د چين د يوې منطقې يوې لوئې لارې پروژه به په نړۍ كښې د اقتصادي موقعو په پېدا كولو كښې مهم كردار ترسره كړي۔ په خپل يو بيان كښې شاه فېصل آفريدي ووئيل چې د پاكستان او چين ترمېنځه د سړكونو او رېلوے په تجويزو شويو پروژو او اقتصادي مرستې لپاره د چينائي حكومت په پرمختيائي حكمت عملې عملدرآمد ضروري دے۔ ده ووئيل چې چين په نړيوال معيشت كښې مركزي كردار ترسره كوي۔ ده ووئيل چې چين د پاكستان تر ټولو لوي تجارتي شراكتدار دے۔ د پاكستان او چين د تجارتي شراكدتارې حجم د 20 اربه ډالرو نه زيات دے۔
