اسلام آباد ۔ 24 اپریل (اے پی پی) د پاكستان پشمول ټوله نړۍ كښې مليريا څخه دځان ساتنې نړيواله ورځ (نن) د شورؤ په ورځ لمانځلې شي۔ سږ كال د دې ورځې سر خط “ملیریا له ماتې وركولو له چمتو يو” وه۔ د مليريا اړوندې د روغتيا نړيوالې ادارې د تېر كال كلن راپور ترمخه كښې د ملیریا 216 ملینه کېسونه رجسټرډ ښودلې كوم چې د كال 2016 په مقابل كښې 5 ملينه زيات دي۔د پنجاب روغتيا څانګې پبلک هېلت سپېشلسټ ډاکټر اوېس بټ ووئيل هر كال 500 ملينه كسان د مليريا په رنځ اخته كېږي په كومو كښې چې د بې وزله كسانو شمېره نزدې 70 فيصد ده۔ دغسې د آسيا هېوادونو لپاره مليريا يو زياتېدونكې خطر دے۔ ده ووئيل هر كال نړۍ كښې د مليريا په سوب 10 لكهه كسانو د مرګ او پاكستان كښې د 50 زرو د مرګ اندېښنه شته۔ ده ووئيل نړۍ كښې هره نيمه دقيقه كښې يو ماشوم د مليريا دلاسه مري۔ د دې ورځې په مهال به خاص كنفرنسونه ٬ وركشاپس او سيمينارونه كولې شي كومو ته به چې د روغتيا څانګې پوهاند خطاب كوي او د دې رنځ خپرېدو په سوبونو ٬ علامتونو ٬ تشخيص ٬ درملنو٬ مخنيوي او پرهېز به رڼا اچوي
