تونسه بئراج/ ڪوٽ ادو – 22 – نومبر (اي پي پي) منصوبابندي ۽ ترقي واري وفاقي وزير احسن اقبال چيو آهي ته ڪڇي ڪينال جو منصوبو وزيراعظم جي هدايت تي ربيع جي سيزن کان اڳ بحال ڪيو ويو آهي، اسان ملڪ ۾ ترقي جي سفر کي اڳتي وڌائڻ جي لاءِ ڪوششون ڪري رهيا آهيون. تونسه ۾ ڪڇي ڪينال منصوبي جي بحالي جي افتتاحي تقريب کي خطاب ڪندي منصوبابندي ۽ ترقي واري وفاقي وزير احسن اقبال چيو ته ڪڇي ڪينال جو منصوبو مسلم ليگ (ن) جي حڪومت جي دور ۾ 2018ع ۾ مڪمل ٿيو هو جڏهن ته 2022ع جي ٻوڏ ۾ ان کي شديد نقصان پهتو، هاڻي ان منصوبي کي وزيراعظم جي هدايت تي ربيع جي سيزن کان اڳ بحال ڪيو ويو آهي، اسان ملڪ ۾ ترقي جي سفر کي اڳتي وڌائڻ جي لاءِ ڪوششون ڪري رهيا آهيون.
