اسلام آباد-17 نومبر (اي پي پي) پرڏيهي وزارت جي ترجمان هڪ انگريزي اخبار ۾ پرڏيهي آفيس سان لاڳاپيل خبر جي ترديد ڪري ڇڏي آهي. پرڏيهي آفيس جي ترجمان طرفان جاري بيان ۾ ”دي نيوز“ اخبار ۾ گذريل ڏينهن ڇپيل پرڏيهي وزارت سان لاڳاپيل خبر کي رد ڪندي چيو آهي ته ان معاملي کي صحافتي قدرن ۽ ادارتي معيار جي حوالي سان اخبار جي ايڊيٽرن آڏو اٿاريو ويندو. ترجمان چيو ته اسان ميڊيا کي اهو چئون ٿا ته اهي پرڏيهي وزارت سان لاڳاپيل ڪنهن به خبر کي جاري ڪرڻ کان پهرين ان جي وزارت کان تصديق ڪري وٺن.
