باڪو – 12 – نومبر (اي پي پي) وزيراعظم محمد شهباز شريف ڪانفرنس آف پارٽيز جي 29هين ڪلائميٽ ايڪشن سربراهي اجلاس (ڪوپ 29) جي افتتاحي سيشن ۾ شرڪت جي لاءِ پهچي ويو. وزيراعظم باڪو جي فٽبال اسٽيڊيم ۾ منعقد ٿيندڙ سربراهي اجلاس ۾ شرڪت جي لاءِ پهتو ته گڏيل قومن جي سيڪريٽري جنرل انتونيو گوتريس ۽ آذربائيجان جي صدر الهام عليوف سندس شاندار استقبال ڪيو. وزيراعظم انتونيو گوتريس ۽ الهام عليوف سان هٿ ملايو. ڪوپ 29 سربراهي اجلاس ۾ ڪيترن ئي ملڪن جا سربراهه ۽ نمائندا شرڪت ڪري رهيا آهن. وزيراعظم پاڪستان پاران منعقد ڪلائميٽ فنانس گول ميز ڪانفرنس جي ميزباني ڪندو.
