اسلام آباد -10 نومبر (اي پي پي) نائب وزيراعظم ۽ پرڏيهي وزير اسحاق ڊار چيو آهي، ته پنهنجي ڀاءُ ترڪيه جي پرڏيهي وزير هاڪان فيدان سان رياض ۾ ڪائونسل آف فارين منسٽرز اجلاس جي موقعي تي ملاقات ڪري خوشي ٿي آهي. گذريل ڏينهن سماجي رابطن اوري ويب سائيٽ ايڪس تي پنهنجي پوسٽ م نائب وزيراعظم ۽ پرڏيهي وزير محمد اسحاق ڊار چيو ته ملاقات دوران اسان پاڪستان ۽ ترڪيه جي ٻه طرفي گڏيل لاڳاپن ۽ غزه ۾ جاري نسل ڪشي تي خيالن جي ڏي وٺ ڪئي. هن چيو ته اسان ٻنهي ان ڳالهه تي اتفاق ڪيو ته عالمي برادري گڏجي معصوم فلسطيني عوام خلاف اسرائيلي اڳرائي جي خاتمي لاءِ ڪم ڪري.
