سلام آباد۔27اکتوبر (اے پی پی) وفاقی سیکرٹری اطلاعات تے نشریات شاہیرہ شاہد بھارتی پروپیگنڈے دا موثر طریقے نال مقابلہ کرم کیتے بھارتی مظالم کوں دنیا اچ اجاگر کرݨ دی لوڑھ تے زور ݙیندیں ہوئیں آکھیا جو اساکوں دنیا اچ کشمیریاں تے بھارتی ظلم کوں دنیا اچ اجاگر کرݨ دی لوڑھ اے۔ اے ڳالھیں انہاں خمیس کوں ڈائریکٹوریٹ آف الیکٹرانک میڈیا اینڈ پبلی کیشنز ولوں یوم سیاہ کشمیر دے موقع تے کشمیریاں دے حالت زار بارے شعور اجاگر کرݨ اتے جموں تے کشمیر تے بھارت دے غیر قانونی تسلط دی مذمت کیتے ڈیجیٹل فوٹو گرافی اتے پینٹنگ دی نمائش توں خطاب کریندیں ہوئیں آکھی۔ وفاقی سیکریٹری اطلاعات آکھیا جو پوری دنیا اچ کشمیری عوام اڄ یوم سیاہ منیندے پن۔ اے ݙینھ ہر سال بھارت دے مقبوضہ وادی اچ غیر قانونی تسلط دے خلاف کشمیری عوام نال یکجہتی کیتے منایا ویندے۔ ایں موقع تے سیکریٹری اطلاعات پینٹنگ دا مقابلہ جتݨ آلیاں اچ سنداں وی تقسیم کیتی۔ پاکستان نیشنل کونسل آف دی آرٹس (پی این سی اے) دی رابعہ ظفر پہلی پوزیشن، انسٹیٹیوٹ آف سپیس ٹیکنالوجی دے طالب علم آفاق احمد ݙوجھی، قائداعظم یونیورسٹی دے محمد فہیم تریجھی جڈانجو اسلام آباد کالج فار گرلز دی طالبہ ہمنا چوتھی پوزیشن حاصل کیتے۔ وفاقی سیکریٹری اطلاعات مقابلے جتݨ آلیاں کوں مبارخ ݙتی۔
