ملګري ملتونه 26 اکتوبر (اے پي پي) د ملګرو ملتونو د بشري حقونو يوې ماهرې او د بشري حقونو استازې اېجنېس كالمرد وئيلي دي چې په مقبوضه كشمير كښې په لويه پېمانه د بشري حقونو د سرغړونو او د قتل عام په اړه د هند طرز عمل غېر مناسب دے٬ په هند به خپل فشار روان وساتو۔ د خبر له مخې د ملګرو ملتونو په درېمه كمېټې كښې د كلن راپور وړاندې كولو نه پس خبري كنفرنس ته په خپله وېنا كښې هغې ووئيل چې هندي چارواكو سره خط و كتابت شوے او په دې كښې د هند طرز عمل غېر مناسب دے٬ مونږ په دې معامله كښې په هند فشار روان وساتو۔ هغې ووئيل چې د مقبوضه كشمير صورتحال مونږ ټولو لپاره د ډېرې اندېښنې خبره ده٬ خو مونږ حوصله نه ده بائيللې۔ هغې په مقبوضه كشمير كښې د ټاډا قانون په اړه ووئيل چې دا زمونږ په اېجنډا دے او مونږ ئې غندنه كړې۔
