اسلام آباد 08 جون (اے پي پي﴾ د سېفران وزير شهريار خان آفريدي په شمالي وزيرستان كښې د ترهګرو د چاودنې سخته غندنه كړې۔ تېره ورځ په خپل يو بيان كښې ده په چاودنه كښې د افسرانو او ځوانانو په شهادت د افسوس څرګندونه وكړه او وې وئيل چې حكومت او اولس په دې سخت وخت كښې د شهيدانو كورنيو او د پاكستان پوځ سره اوګه په اوګه ولاړ دے۔ ده ووئيل چې ترهګر قوتونه او د وطن دښمن عناصر د پاك پوځ او قوم عزم نه شي كمزورې كولې۔ د ترهګرې په ضد جنګ به تر مكمل امن روان وي۔ ده ووئيل چې د ترهګرو ټولې سياسي او حربي ډلې به له مېنځه وړو۔
