اسلام آباد 10 مئي (اے پي پي) د منصوبه بندۍ او پرِمختګ وفاقي وزير مخدوم خسرو بختیار وئيلي دي چې حكومت د سي پېك منصوبو په وخت د بشپړولو له لوظي دې ٬ اړوند چارواكي او ادارې دې په 30 ورځو كښې خپل پروګرېس راپور وړاندې كړي۔ د دې خيالاتو څرګندونه ده د جمعې په ورځ سي پېك د جاج غونډې ته خپلې وېنا كښې وكړې۔ وفاقي وزير د سي پېك منصوبو پحقله د زېر التواء مسئلو د هوارولو هم امر وكړٶ٬ په غونډه كښې په اورنج لائن، اېسټ بې اېکسپرېس وے ، 300 مېګاواټ ګوادر كښې د كول پاور پلانټ او د كوهاله هائېډرو پاور په منصوبې هم بحث وشو۔ ده ووئيل د اېسټ بې اېكسپرېس وے منصوبې په اړه د ګوادر د ځائي فشرمېنز ټولې غوښتنې منظور كړې شوې دي٬ د سي پېك منصوبه په سم لور روانه ده٬ د چين سفير د زېر التواء مسئلو حل لپاره د حكومت د هلو ځلو ستائنه كړې ده ۔ په دې موقع د چين سفير ياٶ جنګ ٬ پروجېكټ ډائرېكټر سي پېك حسان داٶد او د اړوند وزارتونو چارواكي هم موجود وو
