اسلام آباد 21 دسمبر (اے پي پي)صدر ډاکټر عارف علوي وئيلي دي پاکستان كښې سكولونو ته د نه تلوونكو نزدې 2 کروړه 80 لکه ماشومانو ته تعليم وركولو لپاره به جوماتونو سره په ګډه هڅې كول وي۔ د دې خيالاتو څرګندونه ده د زيارت په ورځ ايوان صدر كښې د جوماتونو تعليم ته د ودې وركولو د كردار پحقله د غونډې مشرۍ په مهال كړې۔ په غونډه كښې د مذهبي چارو وفاقي وزير٬ د سندھ د تعليم وزير او د آزاد كشمير تعليم وزير نه علاوه د تعليم صوبائي سېكرټريز٬ د اوقاف او مذهبي چارو څانګې نمائندګانو ګډون كړے۔ صدر ووئيل پاکستان كښې د سكولونو نه بهر 2 کروړه 80 لکه ماشومانو تعليم لپاره به هر ډول ممكنه هڅې كول وي۔ ده جوماتونو سره په ګډه د تعليم د وركولو په هڅو زور رواړلو سره ووئيل جوماتونه د خواندګۍ او تعليمي مقاصدو لپاره استعمالېدې شي۔ په غونډه كښې صدر مملکت ته ايکسلريټډ لرننګ پروګرام په اړه بريفنګ وركړے شو۔ د بريفنګ په مهال ووئيل شول په اسلام آباد كښې د تعليم نه محروم د 70 زرو نه د زياتو ماشومانو په سكولونو كښې اندراج شوے ٬ ايکسلريټډ لرننګ پروګرام ماډل د 24 نه په 30 مياشتو كښې د پنځو كالو پرائمري تعليم وركوي چې پكښې د سكول نه بهر كوچنيان په باقاعدګۍ سره داخلېږي٬ د تعليم نه محروم د زيات عمر ماشومان د پروګرام نه ګټه پورته كولې شي٬ د بريفنګ په مهال ووئيل شول اے اېل پي ماډل لچکدار دے او پام لرنه پكښې كم لګښت ماډل ته شوې٬ دا د كميونټي لخوا په وركړي ځاے٬ مدرسو٬ جوماتونو او د سكولونو په دوېم شفټ كښې اختيار كېدے شي۔
