اسلام آباد 20 دسمبر (اے پي پي) صدر ډاکټر عارف علوي د خپل هم منصب صدر ابراهيم رئيسي سره په غزه كښې د روان قتل عام او د انسانيت په ضد د جرائمو خاتمې لپاره د اسلامي هېوادونو لخوا د كوټلو هڅو په ضرورت زور رواړے دے۔ د شورو په ورځ دواړو مشرانو ترمېنځه نزدې 45 منټه ټېلي فوني خبرې شوي۔ د ايوان صدر پرېس ونګ له مخې صدر ډاکټر عارف علوي د غزه پشمول په مقبوضه فلسطين كښې د اسرائيل د روان جارحيت او د قبضې په نتيجه كښې په رامخئ ته شوي وضعیت په اړه ژوره اندیښنه څرګنده کړې ٬ صدر په دې خبره د افسوس څرګندونه وكړه چې د مېرمنو او كوچنيانو پشمول د 19 زره نه د زياتو فلسطينيانو شهادت باوجود د ملګرو ملتونو سلامتي كونسل د جنګ بندۍ نفاذ او د اسرائيل د نا بيانېدونكو ظلمونو لاره نيولو كښې پاتې راغلے ۔ صدر د دې خبرې پخلے وكړو چې يو خپلواكه او متصل فلسطين رياست چې پايه تخت ئې القدس الشريف وي د فلسطين مسئلې سپېځلے حل په مېنځني ختيز كښې د امن لپاره مهم دے۔ صدر دې مقصد لپاره ټولو سفارتي اقداماتو له د پاكستان د ملاتړ پخلے وكړو او د موجوده صورتحال په اړه ئې د ايران د تحفظات او اقدامات ستائنه وكړه۔ ده د جمو و كشمير كشالې اصولي موقف او د فلسطين كاز په ملاتړ هم د ايران د قيادت ستائنه وكړه۔ صدر مملکت په 15م دسمبر كال 2023 په سېستان-بلوچستان كښې د ايران پوليس په يوه تهاڼه د ترهګرو په ناوړه بريد د ايران حكومت او ورورولۍ سره د غمرازۍ څرګندونه وكړه ۔ده د ترهګرۍ مخنيوي لپاره ايران سره په ګډه كار كولو لپاره د پاكستان د عزم پخلے وكړو۔ په دې موقع دواړو مشرانو په دوه اړخيزه اقتصادي مرسته هم د خيالاتو څرګندوه وكړه۔ صدر عارف علوي د مند-پشين بارډر سسټينينس مارکيټ پليس او ګبد-پولن برېښنا ټرانسميشن لائن مشتركه پرانسته كوټلے پېشرفت وګرځولو كوم څخه چې به د دواړو ورورڼو هېوادونو ترمېنځه دوه اړخيزه اړيكې لا قوي شي۔ دواړو مشرانوم ووئېل ايران او پاكستان وروڼه اسلامي هېوادونه دي د چا كلتور، مذهب او تاريخ چې يو دے ۔ دغسې دوي د دواړو وروڼو هېوادونو ترمېنځه اقتصادي٬ تجارتي او كلتوري اړيكو لا بهترۍ لپاره په ګډه كار كولو ته اتفاق وكړو۔
