اسلام آباد 17 نومبر (اے پي پي) پبلك اکاٶنټس کمېټۍ (پي اے سي) د مذهبي چارو وزارت لخوا د حج په موقع حجاز مقدس ته د لېږلے شوو معاونينو تفصيلات غوښتي دي۔ د پي اے سي غونډه د زيارت په ورځ د پارلمان په ودانۍ كښې د چيئرمېن نورعالم خان په مشرۍ كښې شوې۔ په غونډه كښې د كمېټۍ غړو پشمول سركاري چارواكو ګډون كولو ۔ په غونډه كښې د مذهبي چارو وزارت لخوا د حج په موقع د خادمينو او معاونينو حجاز مقصد ته د لېږلو د چارو جاج اخستو نه پس د چيئرمېن نورعالم خان پشمول غړو د خپلو تحفظاتو څرګندونه كولو سره ووئيل پي اے سي به په دې معامله اړوند وزارت څخه بريفنګ اخلي۔ نور عالم خان ووئيل هر كال 650 كسان وړيا حج ته لېږلې شي٬ دا معامله به داسې نه پرېږدو اړوند وزارت له به تفصيلات وركول وي۔ د مذهبي چارو وزارت وفاقي سېكرټري ووئيل د بهاولپور نواب په مكه كښې پنځه او په مدينه كښې يوه وداني اخستې چې پكښې حاجيان وېړيا مېشته وي، يو منېجر په سعودي عدالت كښې مقدمه كړې او يو نيم بلډنګ ھغې منېجر اغستے ٬ دا كال 1993 خبره ده٬ چا دا معامله په عدالت كښې نه ده چېلنج كړې ۔ د پي اے سي چيئرمېن ووئيل اړوند وزارت سره د دې رېكارډ پكار دے٬ سېكرټري ووئيل ترلاسه رېكارډ هم ډېر په ګرانه ګوتو له راغلے ، په سعودي كښې د پاكستان سفارت وېنا ده چې دا مهال مونږ درې ودانۍ لرو۔ په دې موقع نور عالم خان ووئيل په دې لړ كښې دې د ټولو چارو په اړه تفصيلات پي اے سي ته وړاندې كړے شي
