اسلام آباد-29 فيبروري (اي پي پي) ايم ڪيو ايم پاڪستان جي نئين چونڊيل قومي اسيمبلي جي ميمبر ڊاڪٽر فاروق ستار چيو آهي ته حالتون مشڪل آهن اسان کي ڊليور ڪرڻو پوندو، ماڻهن جي تڪليفن ۾ گهٽتائي آڻڻي پوندي. پارليامينٽ هائوس ۾ ميڊيا سان ڳالهائيندي هن چيو ته مهانگائي، بيروزگاري ۽ معاشي بحران وڏا چئلينجز آهن، هن چيو ته نامناسب ڳالهه تي گهر ۾ به جيهڙو ٿيندو آهي، اسان عالمي اداري کي ان ڳالهه کان آگاهه ڪريون، هن چيو ته حڪومت ۽ رياست جي دنيا جي لاڳاپن ۾ رخنو وجهڻ غير آئيني آهي.
