ډېووس 17 جنوري (اے پي پي) نګران وزيراعظم انوار الحق کاکړ وئيلي دي تل پاتې پرمختګ لپاره يو ډول موقعې وركول ضروري دي٬ بايد د ټېكنالوجۍ څانګه كښې پرمختګ څخه د نړۍ هره منطقه مستفيد شي، د ټېكنالوجۍ يو برابر تقسيم نه لرلو سره به شخړې زياتې شي۔ د دې خيالاتو څرګندونه ده د شورو په ورځ د نړيوال اقتصادي فورم تر سېوري لاندې د “ټرېډ ټېك ټرېلين ډالر پرامس” غونډه كښې كړې۔ وزيراعظم انوار الحق کاکړ ووئيل تل پاتې پرمختګ لپاره يو ډول موقعې وركول ضروري دي٬ ډيجيټل اكانومي به په راتلونكي دور كښې د اهميت وړ وي٬ زما په خيال كومه معامله چې هوارولو ته اړتيا لري ھغه معاشي مسابقت نه بلكې ستراتېژك مسابقت ده٬ ستراتېژكي مسابقت په معاشي مسابقت حاوي كېږي۔ ده ووئيل د ټېكنالوجۍ په څانګه كښې شوي پرمختګ څخه بايد د نړۍ هره مطنقه مستفيد شي٬ سرمايه كارۍ لپاره د نجي څانګې ډاډګيرنه ضروري ده٬ د وخت تېرېدو سره د مسئلو حل ضروري دے۔ ده ووئيل تېز رفتاره پرمختګ لپاره به په جديده ټېكنالوجۍ انحصار كول وي، بايد ټولو لپاره د ټېكنالوجۍ يو برابر تقسيم باوري كړے شي٬ د كومې چې د خدمات نه تر سماجي څانګې اثرات رامخې ته كېږي٬ ده ووئېل د ټېکنالوجۍ په صورت چې كله ستراتېژك مسابقت زياتېږي نو ورسره پرمختللې هېوادونه په 21مې پېړۍ كښې د سائنس پرمختګ څخه زيات مستفيد كېږي۔ ده ووئيل د ټېكنالوجۍ مساوي تقسيم نشتوالي سره به شخړې زياتې شي ٬ په دې معامله غور كولو ته اړتيا ده٬ نګران وزيراعظم ووئېل د ټيکنالوجي يو برابر تقسيم سره به د چارو ښه كېدو له مرسته ترلاسه شي۔
