اسلام آباد 01 جنوري (اے پي پي) پاکستان او هند د ګل په ورځ يو بل سر د بنديوانو د فهرستونو تبادله كړې ده ۔ د خارجه دفتر وياندې لخوا د جاري بيان له مخې د فهرستونو په يو وخت تبادله په كال 2008 كښې د قونصلر رسنې لوظنامې له مخې شوې ده ۔ د لوظنامې له مخې دواړه هېوادونه هر كال د جنورۍ په وړومبۍ نيټه يو بل سره د بنديوانو د فهرستونو تبادله كوي۔ بيان له مخې د پاكستان حكومت په پاكستان كښې د 231 هندي بنديوانو چې پكښې47 سويلين دي او 184 فشرمېنز) دي فهرست په اسلام آباد كښې د هند هائي كمېشن نمائنده ته سپارلې دے۔ دغسې د هند حكومت په زندانونو كښې د بنديوانو پاكستانيانو فهرست د پاكستان هائي كمېشن ته په نوې ډلي كښې وركړے دے ۔ د فهرست له مخې د هند په زندانونو كښې 418 پاكستانيان چې پكښې337 عام وګړي او 81 فشرمېنز دي بنديوانان پراته دي۔ په بيان كښې د هند په حكومت زور رواړلے شوے چې هغه ټول پاكستانيان بنديوانان دې خوشې كړې شي چا چې خپله سزا تېره كړې او د چا د قامي حېثيت چې تصديق شوے ٬ په بيان كښې د كال 1965 او 1971 په جنګ كښې بې دركه دفاعي اهلكارو ته تر قونصلر رسنې وركولو او 77 سول بنديوانو ته د قونصلر تر خاص رسنې درخواست هم شوے دے۔
