اسلام آباد21 دسمبر (اے پي پي)حكومت سپيناوے كړے چې د آئين له مخې هر وګړي ته د احتجاج حق ترلاسه دے٬د امنيتي اندېښنو له امله مظاهرينو ته اېچ نائن يا اېف نائن پارك كښې د ځاے وركولو وړاندېز شوے ٬د بلوچستان څخه راغلي مظاهرين پرامن وو٬ځينې نقاب پوشه ځايې كسانو د صورتحال خرابولو هڅه كړې او كاڼي ئې ورول ٬ټولې نيولې شوې مېرمنې او چې د كومو كسانو شناخت شوے ٬هغه خوشي كړې شوي٬چې د كومو شناخت نه دے شوے٬هغه په تحويل كښې دي٬سبا به په عدالت كښې رپورټ وړاندې كړی شي۔د دې خيالاتو څرګندونه د اطلاعات او خپرونو نګران وفاقي وزير مرتضٰی سولنګي٬ فواد حسن فواد او جمال شاه د زيارت په ورځ د اسلام آباد انتظاميې سره پرېس كنفرنس ته په خپل خطاب كښې كړې۔ وفاقي وزير مرتضٰی سولنګي ووئيل وزيراعظم د مظاهرينو سره د خبرو لپاره كمېټي جوړه كړی وه كومو چې مظاهرينو سره ملاقات كړے ٬د حكومت لخوا فواد حسن فواد مظاهرينو سره خبرې اترې كړي۔ده ووئيل د مېرمنو او ماشومانو سمدستي خوشې كولو لپاره كمېټۍ اقدامات كړي او د مظاهرينو د اوږدې مودې مسئلو په اړه به كمېټي خپل سفارشات وزيراعظم او وفاقي كابينه ته وړاندې كوي۔پرېس كنفرنس ته په خپله وينا كښې لنډ مهاله وفاقي وزير او د كمېټۍ غړي فواد حسن فواد ووئيل بلوچستان څخه راغلو مظاهرينو ته اېچ نائن او بيا اېف نائن پارك كښې د ځاے وركولو وړاندېز وركړے شوے۔ده ووئيل د تېرو 23 ورځو څخه ځينې مېرمنې د پرېس كلب وړاندې ناستې وې٬چې كوم خلق د بلوچستان څخه راغلې٬د هغوي لخوا كومه شرانګيزې نه ده شوې٬هغه پرامن وو خو ځينې ځايې نقاب پوشه كسانو د صورتحال خرابولو هڅه كړې او كاڼي ئې ورولي۔ده ووئيل د امنيت اندېښنو په لړ كښې مظاهرينو ته بيا بيا خواست كوو چې تاسو كوم بل ځاے مظاهره وكړې ۔ده ووئيل نن چې كومو مظاهرينو سره زمونږ ملاقات شوے نو هغوي ووئيل مونږ پرامن وو٬زمونږ كومه اراده نه وه چې صورتحال خراب شي۔ده ووئيل د مظاهرينو سره د ملاقات نه پس د اسلام آباد آئي جي او چيف كمشنر څخه رپورټ اخستلے شوے ٬دا معامله د وزيراعظم په نوټس كښې راوستلې شوې او هم په دغې مهال وزيراعظم سره د بلوچستان پخواني وزيراعلٰی ډاكټر عبدالمالك بلوچ هم رابطه كړې او د دې مسئلې سمدستي حل غوښتنه ئې كړې ۔ده ووئيل كمېټۍ مظاهرينو سره خبرې اترې كړي٬ نيولې شوې ټولې مېرمنې او چې د كومو كسانو شناخت شوے هغه په سمدستي توګه خوشې كړے شوي ٬يواځې هغه خلق په تحويل كښې دي چې د كومو شناخت نه دے شوے۔ده ووئيل په اېف آئي آر كښې چې كوم كسان نامزد شوي د هغوي معامله په عدالت كښې ده٬د اسلام آباد هائيكورټ احكاماتو له مخې به رپورټ سبا عدالت ته وړاندې كړی شي۔ده ووئيل مونږ د اسلام آباد پوليس آئي جي ته وئېلي دي چې هغه د نيولے شوو كسانو شناخت عمل بشپړ كړي۔ نګران وزير د يوې پوښتنې په ځواب ووئيل د امنيت معاملات د ټولو په علم كښې دي٬د امنيت اندېښنې تر مخه مظاهرينو ته اېف نائن پارك يا اېچ نائن ګراؤنډ ته د تللو وئېلې كېدل٬د حكومت دې عمل څخه دا ډنډوره جوړه شوې چې په اسلام آباد كښې د احتجاج اجازه نشته۔فواد حسن فواد ووئيل د وزيراعظم جوړه كړې كمېټي به د مظاهرينو سره د خبرو په اړه خپل شفارشات مرتب كړي٬زمونږ په سفارشات كښې به دغسې ډول معاملات مخ نيوي لائحه هم موجود وي۔د يوې پوښتنې په ځواب ده ووئيل د احتجاج اجازه موجود وه خو ځينې خلقو دا معامله كوم بل پلو بوتلل غوښتل٬كه بلوچستان وي يا كومه بله صوبه هر يو ته اسلام آباد ته د راتللو حق ترلاسه دے۔د يوې پوښتنې په ځواب كښې د اطلاعات او خپرونو نګران وفاقي وزير مرتضٰی سولنګي ووئيل تر كومې چې د ټاكنو خبره ده نو چېلنجونه په هر ځاے كښې موجود وي٬ 2008 ٬ 2013 او 2018 ټاكنو په وخت هم چېلنجونه موجود وو٬رياست د چېلنجونو او ستونزو مخ نيوي بشپه صلاحيت لري۔پرېس كنفرنس ته په خپل خطاب كښې نګران وفاقي وزير جمال شاه ووئيل انتظاميې مظاهرينو ته اېچ نائن يا اېف نائن پارك كښې د ناستې وئېلي ٬د تېرو 23 ورځو څخه مظاهرين د پرېس كلب بهر موجود وو٬د هغوي په ضد چا هم ايكشن نه دې اخستے ۔ده ووئيل د ځينې امنيتي اندېښنو په سبب انتظاميې د مظاهرينو مخ نيوي هڅه كړې۔ده ووئيل مونږ مسئلې حل كول غواړو٬د كمېټۍ سفارشات به وزيراعظم ته وړاندې كولې شي۔
