ملګري ملتونه۔ 5 اکتوبر(اے پی پی) پاكستان وئيلي دي د صنفی مساوات ودې او مېرمنې خپلواكه كولو له مو قانوني او پالېسي اقدامات كړې دي۔ په ملګرو ملتونو كښې د پاكستان مستقل استازي منیر اکرم د عمومي اسمبلۍ د سماجی، بشري او كلتوري چارو تھرډ كمېټۍ كښې وئيلي دي مېرمنو او انجونو ته د هغوي حقونه وركولو نه غېر مونږ تلپاتي پرمختيائي هدفونه سر كولې نه شوو خو دې سره سره ده دا هم ووئيل چې د کورونا وائرس وبا او تېر كال د راغلي سېلاب له امله د مالیات، ایندھن او خوراک په برخه كښې رامخې شوو ستونزو په اېس ډی جیز او د مېرمنو او انجونو په حقونو كښې د پېشرفت په ترلاسه كولو كښې پېښ چېلنجونه لا زيات كړې دي۔ ده د مېرمنو د پرمختګ په سرخط يوه مباحثه كښې ووئيل د كلي والو سيمو مېرمنې په خاص توګه چېلنجونو سره مخ دي۔ ده ووئيل په پاكستان كښې 50 څخه تر 80 فیصده كلي والې مېرمنې د غلې په پېداوار كښې برخه اخلي۔ دغسې د كلي والو سيمو نزدې 70 فیصده مېرمنې د ډنګرو د خيال ساتلو انتظام كوي۔ ده ووئيل نړيوالې ورورولۍ صنفي مساوات٬ د مېرمنو زده كړو ٬ كار ٬ سياسي نمائندګۍ سره سره په قامي ژوند كښې د ګډون حقونو ته وده وركولو او د دې باوري كولو له اصول وضعه كړي كوم چې د پاكستان او افغانستان نه علاوه په ټولو هېوادونو كښې په سركاري كچه په ځاے كړې شوي دي او په سماجي او ذاتې كچه هم قبولولې شي خو د دې باوجود ډېر هېوادونه داسې دي چرته چې په خاص توګه په كلي والو سيمو كښې انجونې او مېرمنې ناوړه صورتحال سره مخ دي۔ ده پوښتنه وكړه چې ملګري ملتونه د پرمختګ كوؤنكو هېوادونو پرمختګ او د مېرمنو او انجونو د ژوند معيار بدلولو كښې څنګه مرسته كولې شي۔ ده ووئيل لوي چېلنج د مناسبې مالي مرستې كمے دے۔ ده ووئيل په دې لړ كښې سروے او مطالعه د مېرمنو او انجونو حقونو ته وده وركولو كښې د بدلون راوستلو سبب ګرځېدے شي۔
