اسلام آباد۔3اګست(اے پی پی) وزیراعظم شهباز شریف وئيلي دي چې سي پېك په تېرو لسو كلونو كښې د لوړ معيار انفراسټركچر، انرجي او د سماجي او اقتصادي پرمختګ په څانګو كښې ډېر مهم پړاوونه ترسره كړې دي٬ د سي پېك دويم پړاؤ كاميابۍ سره ترسره كېدو لپاره لا زيات توان او جذبې سره د كار كولو عزم لرؤ۔ د زيارت په ورځ په خپل ټويټ كښې ده ووئيل د سي پېک د لسيزې بشپړ كېدو په موقعه پاكستان سره مرستې او پيوستون لپاره په مهم پېغام د چينائي صدر شي جن پنګ مننه كوم۔ سي پېك د بېلټ اېنډ روډ كوآپرېشن مثالي منصوبې په جوړولو زور راوړل پاكستاني اولس سره خېر ښېګړې له د هغه د عزم عكاسي كوي۔ ده ووئيل حقيقت دا دے چې سي پېك په تېرو لسو كلونو كښې د لوړ معيار انفراسټركچر، انرجي او د سماجي او اقتصادي پرمختګ په څانګو كښې ډېر مهم پړاوونه ترسره كړې دي۔ د بی آر آئی فلېګ شپ پراجېکټ په توګه سي پېك د مياں نواز شريف په مشرۍ كښې د بدلون په كيسۍ بدل شو۔ پاكستان دا كيسۍ د ګردې نړۍ خپلو ملګرو او همكارانو سره ګډولو له چمتو دے۔ ده ووئيل چین پاکستان سټرېټجک کوآپریټو پارټنرشپ نوؤ بامونو ته رسولو له مونږ كله هم د صدر شي جن پنګ بشپړه مننه كولې نه شؤ۔ ده ووئيل د سي پېك دويم پړاؤ كاميابۍ سره ترسره كېدو لپاره لا زيات توان او جذبې سره د كار كولو عزم لرم۔
