اسلام آباد 31 جنوری(اے پی پی) د سېنېټ دوهم چيئرمېن سناتور سليم مانډوي والا وئېلي دي د پاكستان او هند ترمينځه د اقتصادي مرستې زياتولو موقعې شته٬دې مقصد لپاره د دواړو هېوادونو ترمينځه د پخوانو ستونزو سوله ايز حل ډېر ضروري دے۔ده دا خبرې د زيارت په ورځ د هند هائي كمشنر اجے بساريه سره د پارليمان په ودانۍ كښې د ملاقات په مهال وكړې۔سناتور سليم مانډوي والا په دې موقع تجويز وركړو چې د دواړو هېوادونو ترمينځه دې د دوستۍ پارليماني ډله جوړه كړې شي كومه چې د دواړو هېوادونو ترمينځه د شخړو حل لپاره اقدامات وكړې شي۔ده ووئيل پارليماني ډيپلوميسي ته دې موقع وركړې شي۔په دې لړ كښې د پاكستان هند بزنس فورم هم موثر كردار ترسره كولې شي۔د هند هائي كمشنر د سېنېټ دوهم چيئرمېن سره اتفاق وكړو او وې وئېل د دواړو هېوادونو ترمينځه د 2.4 اربه ډالرو تجارت كېږي خو د دبئي د لارې د پنځه اربه ډالرو د تجارات اطلاعات راغلي۔ده ووئيل د نړيوال بانك راپور له مخې د ټېرف معاملې حل كېدو په صورت شريك تجارت 37 اربه ډالرو ته رسېدې شي۔د سېنېټ دوهم چيئرمېن ووئيل د پاكستان حكومت د ګاونډي هېوادونو څخه راتلوونكو ته آسانې وركوي او هند دې هم د ويزې نظام آسانولو سره پاكستانيانو لپاره آسانيې پېدا كړي
