اسلام آباد ۔ 28 نومبر (اے پی پی) د پارلماني چارو دوهم وزير علي محمد خان وئيلي دي د هر هېواد په پرمختګ كښی د استاذانو كردار ډېر مهم وي۔ كوم هم قام کښې د بشري وسيلو پرمختګ لپاره پوهنتونونونه ګتور كردار ترسره كوي۔ طالبعلمانو كښې تحقيقي صلاحيتونه بېدارولو ته اړتيا ده۔ د دې خيالاتو څرګندونه ده د بحريه پوهنتون 20م كانووكېشن ته خطاب كښې وكړه۔ ده په دې مهال طالبعلمانو ته نصيحت وكړو چې هغوي دې حقيقي او تخليقي هڅو سره د خوبونو ترسره كول ممكن كړي۔ ده ووئيل نن د ټولو طالبعلمانو سترګې روښانه او پړقېدونكې دي ۔ د پاكستان پرمختګ لپاره به سترګو كښې دا ځلا په ځائې ساتل وي۔ ده ووئيل د كوچنيانو په تربيه كښې د مور پلار او استاذان مهم كردار وي۔ ده ووئيل د حضرت علي (رض) وېنا ده چې څوك ماته يو لفظ وښائي زه د هغه غلام يم۔ دې نه وړاندې د بحريه پوهنتون وائس اېډمرل (ر) محمد شفیق ایچ آئی (ایم) كانووكېشن كښې په ګډون كولو د محمد علي خان مننه وكړه۔ ده د هائر ايجوكېشن ٬ پنجاب حكومت او نورو ادارو هم په خاص توګه مننه وكړه كومو چې د بحريه پوهنتون يو شمېرې طالعلمانو له ډالۍ وركړې
