اسلام آباد 17 ستمبر (اے پي پي) د سندھ وزيراعلٰی سيد مراد علي شاه وئېلي دي اولس مشر ډاكټر عارف علوي پارلمان ته جامع خطاب كړې٬په هېواد كښې بندونو جوړولو ته اړتيا ده٬د اوبو مسئله په بېړنۍ توګه حل كول غواړي ٬د كوم متنازعه بند جوړولو څخه وړاندې اتفاق ضروري دے ۔د ګل په ورځ د پارلمان شريكې غونډې ته د اولس مشر خطاب نه پس اے پي پي سره په خپلو خبرو كښې ده ووئيل اولس مشر د وفاق علامت دے٬هغه پارلمان شريكې غونډې ته جامع خطاب كړې۔ده ووئيل اولس مشر چې د پارلمان شريكې غونډې ته خطاب كښې كوم بيان وركړې دا پالېسي بيان دے او دا يو آئيني تقاضا ده۔ده ووئيل د اوبو كمي سره په هېواد كښې د قحط صورتحال رامخې ته كېدې شي۔د يوې پوښتنې په ځواب ده ووئيل د متنازعه بندونو جوړولو څخه وړاندې د څلورو واړو صوبو كښې اتفاق ته اړتيا ده۔د اتفاق نه غېر بندونه نه شي جوړېدې۔ده ووئيل د بند جوړولو په اړه صوبائي اسمبلۍ كښې قرارداد موجود دې٬په دې اړه هيله لرو چې حكومت به د مثبت سوچ څرګندونه وكړي
