لاهور 13 مئي (اے پي پي) وزیراعظم شاهد خاقان عباسي په برآمد كوٶنكو ټينګار كړې چې د هېواد پرمختګ لپاره به برآمدات زياتول وي٬ نړيوالو منډيو سره مسابقت لپاره هېواد ډېر زيات صلاحيت لري۔ ده دا خبرې د اتوار په ورځ د لاهور چېمبر آف كامرس اچيومنټ ايوارډ دستورې ته خپلې وېنا كښې وكړې۔ وزیراعظم ووئيل حكومت ټرېډز او سرمايه كارو سره كړي لوظونه ترسره كړي او د دوي غوښتنې ئې هم سر ته رسولې دي اوس د دوي ذمه واري ده چې راوړاندې شي او خپل كردار ترسره كړي او برآمدات د 40 ارب څخه 100 ارب ډالرو ته ورسوي۔ وزیراعظم په اېكسپورټرز زور رواړو چې ھغوي حكومت له د هېواد برآمدات زياتولو لپاره اقدامات تجويز كړي۔ ده ووئيل برآمد كوٶنكو لپاره د اعلان كړې شويو مراعاتو په زره پورې نتيجې رامخې ته كېږي او برآمدات لا زياتولې كېدې شي۔ ده ووئيل ټاكنې به په جولائ كښې كېږي هيله لرو چې كوم هم حكومت جوړ شي پاليسۍ به روانې ساتلې شي۔ ده ووئيل برآمدات زياتېدو سره به كاروبار او آمدن كښې اضافه وشي۔ وزیراعظم ووئيل حكومت د برېښنا كمبوت لرې كولو لپاره خپل دور كښې د برېښنا او ګاز كارخانے ولګولې۔ وزیراعظم ووئيل د انفراسټركچر پرمختګ ته خاص پاملرنه شوې، نن پاكستان كښې 1700 كلوميټره موټروے بشپړه شوې ده٬ حکومت كاروبار زياتولو لپاره ټولې ممكنه آسانې وركړې دي۔ ده ووئيل د هېواد په تاريخ كښې په وړومبي ځل د اربونو ورپو پروژې ترسره كړې شوې دي۔ وزیراعظم ووئيل د پاكستان پرمختګ يوازې جمهوريت سره تړلې دے او د جمهوريت نه غېر يو هېواد پرمختګ نه شي كولې ٬ باور لرو چې راتلونكې حكومت به هم مسلم ليګ (ن) جوړوي۔ وزیراعظم ووئيل د هېواد د وګړي په حېث ټېكس وركولو زمونږ قانوني ذمه واري ده ٬ د ټېكسونو په سوب د هېواد نظام چلېږي۔ ده ووئيل ټرېډز د هېواد په پرمختګ كښې مهم كردار لري٬ هېواد كښې كاوربار زياتېدو سره به د پرمختګ كېږي
