اسلام آباد ۔ 8 مئی (اے پی پی) قامی اسمبلی د نر ښځيو (حقونو تحفظ) بل 2018ء منظور كړې دے چې ترمخه به ئې دوئي ته د شناختي كارډ او پاسپورټ پشمول د ووټ حق ترلاسه وي۔ د نهې په ورځ قامي اسمبلۍ كښې سيد نويد قمر سېنېټ څخه په منظور شوي صورت په دې بل غور كولو لپاره تحريك وړاندې كړو۔ نعيمه كشور ووئيل مونږ هم دا غواړو چې دوئي ته د دوئي حقونه وركړې شي۔ نعيمه كشور ترميم وړاندې كړو چې دا بل دې اسلامي نظرياتي كونسل ته وړاندې كړې شي دغسې چې په دې لا غور وكړې شي۔ سپيكر په بدلون كولو د غونډې نه رائې واخسته۔۔ سپیکر ووئيل د نجي كاروائۍ ورځ به اوس راروان پارلېمنټ كښې وي۔ په بيا رائې اخستلو درې غړي د ترميم په حق كښې اودرېدل او زياترو ئې په ضد رائې وركړې او دغسې ترميم رد كړې شو۔ نعیمه کشور د بل قائمه كمېټۍ ته د لېږلو ترميم وړاندې كړو۔ شېخ آفتاب احمد د دغې مخالفت وكړو۔ دغسې ايوان دا ترميم رد كړو او د شق وار منظورۍ څخه پس سيد نويد قمر د نرښځيو د حقونو تحفظ ٬ مرستې ٬ بحالۍ او د دوئي خېر ښېګړې او اړوندو ضمني چارو لپاره د احكام وضع كولو لپاره بل منظورۍ له وړاندې كړو۔ كوم چې منظور كړې شو
