اسلام آباد۔17جولائی (اے پی پی) وفاقی وزیر داخلہ رانا ثناءاللہ خان آکھیا جو پنجاب دے ضمنی انتخابات اچ سارے حلقیاں اچ سکیورٹی ہائی الرٹ، عوام بغیر کہیں ݙر تے ووٹ پاون۔ صاف شفاف انتخابات کیتے امن و امان کوں یقینی ٻݨاوݨ اساݙی ذمہ واری اے جئیں کیتے سارے وسائل لاتے ویندے پئن۔ اتوار کوں آپݨے جاری بیان اچ انہاں آکھیا جو الیکشن کمیشن دی درخواست تےسول آرمڈ فورسز کوں سارے انتخابی حلقیاں اچ لاتا ڳئے جدانجو انتہائی حساس حلقیاں اچ سکیورٹی فورسز دی ودھ نفری لاتی ڳئی اے۔
