اسلام آباد-08 جولاءِ (اي پي پي) قومي اسيمبلي جي اسپيڪر سردار اياز صادق مرحوم عبدالستار ايڌي کي سندس سماجي خدمتن جي حوالي سان خراج عقدت پيش ڪندي چيو آهي ته عبدالستار ايڌي انسانيت جي بي مثال خدمت ڪري هر پاڪستاني جي دل ۾ هميشه زنده رهندو. سومر ڏينهن مرحوم عبدالستار ايڌي جي ورسي جي موقعي تي پنهنجي پيغام ۾ هن زبردست لفظن ۾ خراج عقيدت پيش ڪيو ۽ چيو ته مرحوم عبدالستار ايڌي ڏکوئيل انسانيت لاءِ بي مثال خدمتون سرانجام ڏنيون آهن، ڏکويل انسانيت جي خدمت عظيم ڪم آهي، عبدالستار ايڌي ڏهاڪن تائين ڏکويل انسانيت جي خدمت ڪئي ۽ لاتعداد بي سهارن جو سهارو بڻيو. ايڌي ويلفيئر ٽرسٽ جا تربيت يافته بي سهارا ٻار اڄ ملڪ جي ترقي ۽ خوشحالي ۾ ڀرپور ڪردار ادا ڪري رهيا آهن.
