گلگت – 12 – سيپٽمبر (اي پي پي) نگران وزيراعظم انوارالحق ڪاڪڙ سان گلگت بلتستان جي وڏي وزير گلبر خان ملاقات ڪئي آهي. ملاقات ۾ نگران وزيراعظم کي گلگت ۾ جاري ترقياتي منصوبن تي اڳڀرائي جي حوالي سان آگاهه ڪيو. وزيراعظم آفيس جي ميڊيا ونگ پاران جاري بيان موجب ان موقعي تي وڏي وزير گلگت بلتستان ۾ عوامي فلاحي منصوبن خاص طور تي صحت ۽ تعليم جي شعبن جي ترقي جي لاءِ حڪومت جي قدمن تي بريفنگ ڏني. هن وزيراعظم کي گلگت بلتستان ۾ سياحت جي ترقي جي لاءِ حڪومت جي منصوبن کان پڻ آگاهه ڪيو. وڏي وزير نگران وزيراعظم کي گلگت بلتستان جو روايتي لباس پڻ پيش ڪئي.
