اسلام آباد۔20مارچ (اے پی پی) وزیر اعظم عمران خان دی ریکوڈک دی ڈویلپمنٹ کیتے بیرک گولڈ نال معاہدے تے بلوچستان اتے پاکستان دی عوام کوں مبارخ ݙتی اے۔ اتوار کوں آپݨے ٹویٹ اچ وزیر اعظم آکھیا جو معاہدے دے مطابق ݙاہ ارب ڈالر دی بلوچستان اچ سرمایہ کاری تھیسی۔ ایں نال 8 ہزار نویں ملازمتاں پیدا تھیسن۔ وزیراعظم آکھیا جو ریکوڈک ممکنہ طور تے دنیا دے سونے اتے تانبے دی ساریاں توں وݙی کان ہوسی۔ اے معاہدہ اساکوں قرضیاں توں آزاد کریسی اتے ایں معاہدے نال ترقی اتے خوشحالی دا نواں دور شروع تھیسی۔
