اسلام آباد ۔ 17 مارچ(اے پی پی) د سېنېټ پلاوې د اومان پلازمينې مسقط ته رسېدلې دې۔ د سېنېټ پلاوي كښې سناتور كبير احمد شاهي او اشوك كما رتناني شامل دے۔ اومان ته په رسېدو مسقط كښې د پاكستان سفير علي جاوېد او د اومان د سېنېټ غړي ماجد الرواهي د پاكستاني پلاوي هركلې وكړو۔ د سېنېټ پلاوې به تر څلور ورځو د اومان دوره كوي۔ پاکستانی سفیر د پلاوي غړو دوره خوشبينه ګرځولو سره ووئيل دا دوره د پاكستان ورځ نظر كښې نيولو سره په يوه مهمه موقع كېږي او ددې په نتيجه كښې به د دواړو هېوادونو ترمينځه د ورورولۍ اړيكې لا وده ومومي۔ ده ووئيل د سناتور كبير شاهي تعلق بلوچستان سره دې ۔ د اومان درېمه برخه آبادي بلوچ دي۔ دغسې د سناتور اشوك كمار تعلق قلات سره دې۔ پاكستان او امان يو بل سره د ورورولۍ نزدې اړيكې لري۔ ګوادر پخوا د اومان برخه پاتې شوې ده۔ پاكستانې پلاوې به د اومان پارلماني لارښودو سره ملاقات كوي۔ دې سره سره د پلاوي غړي به د اومان د ټرانسپورټ وزير او خارجه سېكتر سره هم ملاقات كوي۔
