اسلام آباد – 18 – جولاءِ (اي پي پي) وزيراعظم محمد شهباز شريف چيو آهي ته ٻاهرئين ملڪ رهندڙ پاڪستاني ملڪ جا عظيم سفير آهن، حڪومت جي ذميواري آهي ته جڏهن اهي پنهنجي پيارن سان ملڻ گهر اچن ته انهن کي آساني ۽ سهولت فراهم ڪري. پنهنجي ٽوئيٽ ۾ هن چيو ته ٻاهرئين ملڪ رهندڙ پاڪستانين کي سهولت ڏيڻ جي ڪوششن جي هڪ حصي طور هن اڄ عارضي رجسٽريشن سسٽم جي شروعات ڪئي آهي جنهن سان انهن کي چئن مهينن تائين بنا ڪنهن رڪاوٽ جي پنهنجو موبائيل فون استعمال ڪرڻ جي اجازت هوندي. هن چيو ته اهي پاڪستاني ملڪ جا عظيم سفير آهن جيڪي ڏينهن رات محنت ڪن ٿا ۽ ملڪ جي لاءِ اهم ڪردار ادا ڪن ٿا. اها حڪومت جي ذميواري آهي ته جڏهن اهي پنهنجي پيارن سان ملڻ گهر اچن ته انهن کي آساني ۽ سهولت فراهم ڪري.
