اسلام آباد17 اکتوبر (اے پی پی)وزيراعظم عمران خان سره د اومان وسله والو ځواكونو مشر چيف آف سټاف لېفټيننټ جنرل احمد بن حارث النهباني د زيارت په ورځ ملاقات كړې او هغه سره يې په دوه اړخيزه٬سيمه ايزو او نړيوالو چارو د خيالاتو څرګندونه كړې ده ۔وزيراعظم عمران خان د پاكستان او اومان نزدې د ورورولۍ اړيكو ذكر وكړو او دوه اړخيزه مرستې ته د ودې وركولو عزم پخلې ئې وكړو۔د ملاقات پھ مهال د تجارت او مواصلات رابطو ودې په اړه هم خبرې اترې وكړې۔وزيراعظم د اومان وسله والو ځواكونو مشر چيف آف سټاف ته په مقبوضه كشمير كښې د بشري حقونو سنګين صورتحال٬غېر انساني لاك ډاؤن٬كرفيو او مواصلاتي نظام بندېدو څخه خبر كړو كومه چې د اګست پنځمې نېټې څخه روانه ده او د 80 لكه څخه زيات كشميريان د دې څخه ځپلې شوي۔وزيراعظم ووئيل د شخړې د هواري لار د ملګرو ملتونو سلامتي كونسل قراردادونو څخه ممكنه ده ۔د اومان وسله والو ځواكونو چيف آف سټاف د سلطان قابوس بن السيد لخوا د نيكو هيلو پیغام هغه ته ورورسولو۔ده د پاكستان او اومان مضبوطو دوه اړخيزه اړيكو ذكر وكرو او په دواړو خوا د پلاويو دورو٬تربيتي پروګرامونو٬شريك مشقونو پشمول دفاعي مرستې په موجوده كچ ئې د اطمينان څرګندونه وكړه۔ده د ملګرو ملتونو په عمومي اسمبلۍ كښې د وزيراعظم د وېنا او خليج كښې په تاؤ تريخوالي كښې كمي او د سيمه ايز امن او سلامتيا لپاره د وزيراعظم اقدام ستائنه وكړه۔ده وزيراعظم ته د اومان مشرتابه لخوا د خپل هېواد دورې كولو بلنه هم وركړه
