اسلام آباد۔20جون (اے پی پی) وزیراعظم محمد شہباز شریف آکھیا جو نینگر اپݨی خداداد صلاحیتاں نال ملک دے خوشحال مستقبل دی راہ سوکھی کر سڳدن۔ پاکستان کوں معاشی بحران توں نکلݨ کیتے ضروری اے جو ایجھے پروگرامز شروع کیتے ونجن جئیں دا مقصد مختلف شعبیاں اچ انٹرپرینیورشپ اتے انوویشن کوں ودھاوݨ ہووے۔ منگل کوں اپݨے ٹویٹ اچ انہاں آکھیا جو نیشنل انوویشن ایوارڈ اساݙے نینگراں دی تخلیقی خیالات پیش کرݨ دی صلاحیت کوں نکھار ݙیندے جنہاں کوں موثر منصوبیاں اچ ڈھالیا ونڄ سڳدے۔ 20 ہزار درخواست دہندگان اچوں 100 ذہین نینگراں اچ 16 کروڑ روپے دی نقد رقم تقسیم کیتی ڳی اے۔ ایندے اچ 20 لکھ روپے تئیں دا ایوارڈ ݙتا ڳے۔ انہاں آکھیا جو نینگر اپݨی خداداد صلاحیتاں نال ملک دے خوشحال مستقبل دی راہ سوکھی کر سڳدن۔
