راولپنڈی۔22مارچ (اے پی پی) ڈیرہ اسماعیل خان اچ سکیورٹی فورسز دے قافلے تے خودکش حملے دے نتیجے اچ پاک فوج دے ݙو جوان شہید تھی ڳئن۔ آئی ایس پی آر موجب 21 مارچ 2024 کوں ضلع ڈیرہ اسماعیل خان اچ خودکش حملہ آور آپݨی گاݙی سکیورٹی فورسز دے قافلے نال ٹکرا ݙتی جیں دے نتیجے اچ دھماکہ تھیا تے کوہاٹ توں تعلق رکھݨ آلے وطن دے ݙو بہادر سپوت نائب صوبیدار یاسر شکيل عمر38 سال اتے سپاہی طاہر نواز عمر34 سال شہید تھی ڳئن ۔ آئی ایس پی آر موجب پاک فوج دہشت گردی مکاوݨ سانڳے پرعزم اے اتے ساݙے بہادر جواناں دی اے قربانیاں ساݙے عزم کوں ٻیا پکا کریندن ۔ بیان اچ آکھیا ڳئے جو ایں بزدلانہ حملے دے مجرماں کوں انصاف دی کچاری اچ گھن آیا ویسی۔
